Oranjestad – Raad van Advies a critica e concepto di ley HOFA y a bisa cu den su forma actual, e no por sigui asina. Segun e Conseho, e ley ta mescos “un sopi mal traha”: e idea ta bon, pero e forma cu e ta prepara ta robes.
HOFA, cu tin como meta pa mantene finansa publico di Aruba den bon estado i ta busca pone mas control riba gasto y debe di pais. Raad ta reconoce cu disciplina financiero ta importante, mirando cu problema di pasado cu deficit y debenan halto.
Problemanan den e ley
Segun e Raad di Avis, tin varios punto cu no ta cla ni efectivo:
Falta claridad riba ken tin poder final den decisionnan
Influencia for di Hulanda por bira demasiado grandi
Regla nan por ta demasiado rigido
E Conseho ta alerta cu esaki por crea conflicto legal y limita autonomia di Aruba.
Autonomia na riesgo
Un punto central den e critica ta cu e ley por afecta e capacidad di Aruba pa maneha su propio finansa. Segun e Raad, mester tin un mihor balance entre supervision y independencia.
Poco flexibilidad
Raad tambe ta indica cu e ley no ta duna suficiente espacio pa reacciona na crisis economico, manera situacionnan inespera cu por surgi.
Ta pidi pa cambio
E conclusion ta cla: HOFA, den su forma actual, mester wordo revisa. Raad van Advies ta pidi pa haci cambionan importante, clarifica e reglanan y mehora uso di e ley.
E meta di HOFA ta corecto, pero e forma cu e ley ta traha no ta suficiente. Sin cambio serio, e no ta cla pa wordo accepta, aproba o implementa.
