Si e cambio proponi den e amienda presenta pa Mike & Gerlien tuma lugar, e saldo di financiamento di Aruba lo cay bao di 1,0% di PIB (Producto Interno Bruto) den 2025. Esaki ta un desaroyo cu por trece consequencia serio pa e stabilidad financiero di pais Aruba.
Di acuerdo cu e Landsverordening Aruba financieel toezicht, e normanan di financiamento mester keda totalisa riba e sector colectivo completo. Sinembargo, Raad van Advies ta recomenda cu pa logra un sistema financiero sostenibel, e saldo di financiamento di Aruba mes mester keda na un minimo di 1,0% di BBP. Pues cu e amienda, e resultado di pais Aruba mes lo bay cay bao di 1%, cual ta rece precupacion pa stabilidad.
E posibel defecit mas halto ta indica un posicion financiero fragil, cu por resulta den mas restriccion riba gasto publico, incluso riba plannan pa desaroyo, inversionan i servicio gubernamental. Pa preveni problema den futuro, Raad van Advies ta insisti riba e importancia pa mantene un margen financiero sigur, pa garantisa stabilidad den e gobernacion di e pais.
Gobierno mester tuma e recomendacionnan di Raad van Advies na consideracion pa evita risiconan financiero i pa segura un maneho sostenibel di e finansas publiconan.
