Den un conseho emiti pa Raad van State dia 3 di Maart 2021, e kamber di conseho a bisa cu e Rijkswet COHO, pa atende cu asuntonan di Curacao, Aruba y Sint Maarten ta impugna cu Statuut. Esaki ta resulta awor den un berguenza grandi pa Hulanda y ta duna islanan CAS razon pa nan ponencianan treci dilanti.
Segun fuentenan na altura di e conseho aki, Raad van State ta conseha Hulanda pa no presenta e ley aki na e parlamentonan di e pais.
E Conseho ta sostene e obhetivo di e Ley di Reino pa drecha e economia y finanza publico di e paisnan, fortalece e administracion publico y mehora e condicionnan di e habitantenan di Aruba, Curacao y Sint Maarten. E Conseho Raad van State a califica e hecho cu Hulanda lo impone condicionnan pa ayudo y mara na un programa de reforma, como “automatico”.
Sinembargo, Raad van State a considera cu e enfoke di Secretario de Estado ta literalmente inapropia y ta duda cu su plan cu el’a eligi, lo conduci na resultadonan satsifactorio.
Ta teme cu si otorga podernan grandi cu alcanse grandi na un “ejercito” Hulandes, lo debilita e autonomia y e poder di paisnan. Raad van State no tin claridad riba e division di responsablidad y poder entre COHO y e gobiernonan di e paisnan y CFT. COHO tin poder super grandi di gran alcanse, cu ta pertence na e gobierno di cada pais. Tambe ta cuestiona e hecho cu COHO ta funciona bao di Gobierno Hulandes, su minister di interior y di relacion di reino.