Dialuna mainta landsrecherche a detene un cabes grandi di partido AVP, Sr. Gaby Werleman. Gaby Werleman no ta desconoci den seno di AVP. E ta na nivel di doño di partido AVP, y ta “bode di confiansa” di Henny Eman. Pa masha aña e tabata cobra for di Gobierno, pues ta riba payroll, maske e ta na cas sin traha, y ta wordo paga bao di capa di “raadsadviseur”.
Su envolvimiento tin di haber cu companianan di Real Estate, di cual e hunto cu su casa Nina ta doño. Na formanan straño nan a convence e minister pa otroganan tereno, por medio di un optie. Unabes cu e minister pone su firma, e compania a haya un valor miyonario y nan tabata tin cumprador cla pa cumpra. Ta trata di terenonan prominente di bon ubicacion comercial. Un di e companiannan ta Damira Real Estate.
Remarcable te hecho cu apenas 5 dia cu Damira a haya e optie for di Benny, ya e ta manda pidi permiso pa e por bende e sharesnan di Damira, cu un otro compania. Esaki ta indicacion pues cu e cumprador tabata cla ta warda pa e minister wordo soborna, movi, pa firma e tereno, pa asina e bira cumpre mesora. Ta trata di un tereno prominiente na Eagle Beach.
Den un dia Minister a bay di acuerdo pa bende compania:
Den apenas 24 Ora, un dia, Minister Sevinger a bay di acauerdo, y a autorisa pa Damira por bende shares di e compania. Pues, si sigui tur e sequencia, ta parce mas bien crimen organisa, unda tur tabata copera y facilita, pa asina e tereno por wordo bendi.
