Na final di e di 4 edicion di Playa Film Festival 2024, a tuma luga e anuncio y entrega di premio na e peliculanan cortometrahe di e aña aki.
![](https://solodipueblo.com/wp-content/uploads/2024/07/20240722_004844-514x1024.jpg)
Den Santos Cafè na Oranjestad e directornan di cada pelicula participante tawata invita pa por a scucha e resultado. Tawata un anochi bunita caminda cu e organisadornan di e actividad Juan Fransisco Pardo y Adriano Nanof a duna start yamando un y tur bonbini gradiciendo cada un pa nan contribucion enorme na e edicion aki.
![](https://solodipueblo.com/wp-content/uploads/2024/07/Screenshot_20240723-021754_Gallery-498x1024.jpg)
Tawata presidente di Cineraruba, sra. Luty Martines, e persona cu tawatin e tarea di honra dos miembro di Cinearuba cu ya caba a cumpli 10 aña den servicio di e Fundacion. Tawata Rafaela Mahadeo y Addonsito Croes esunnan cu a keda honra. E dos personanan aki tawata desde principio di Cinearuba activo den e mundo di actuacion y te cu awe ta keto bay miembronan di e bestuur dje fundacion. Tur dos tawata actornan cu 11 aña pasa a participa den e pelicula inmortal ABO SO di Cineraruba, cu te cu awe ta un di e peliculanan mas bishita den historia di Aruba. Despues di e exito grandi aki, tur dos actor y miembro a sigui den e mundo aki di actuacion apareciendo regularmente den produccionnan local cinematografico.
![](https://solodipueblo.com/wp-content/uploads/2024/07/Screenshot_20240723-021659_Gallery-498x1024.jpg)
Sra. Luty Martines a felicita tur dos miembro gradiciendo nan pa nan lealtad y trabou bunita pa Cinearuba. Tur dos actor a gradici e miembronan masha hopi mes pa e honor unico aki e aña aki. Ta un honor grandi di ta forma parti di un fundacion asina cu tin como un di e metanan principal pa educa un nacion pa medio di e arte di filmacion y pelicula.
![](https://solodipueblo.com/wp-content/uploads/2024/07/20240723_021831-634x1024.jpg)