Segun fuentenan cerca di Avp a laga sa, nan tin hopi duda si Mike De Meza lo por pasa screening.
Durante su maneho, mas di 21 miyon florin di RDA a somenta, bay den saco di su amigonan, conocirnan, y coleganan di partido.
E rapport forensico di RDA ta prueba palpabel di mal maneho.
Tur cos a bay malo. No tin administratie ni documento. Tur placa a wordo malgasta sin recibo. Contractnan tabata bay telefonicamente.
Horario di trahadornan tin sin worksheet. Tur trahador tabata declara nan horario di trabao telefonicamente.
Proyecto di Algen ta un robo miyonario.
Casa di un politico di Avp a cobra 99 mil pa traha un video.
Media conpany a cobra 1 miyon florin.
Concierto di Destra a costa 900 mil florin.
Wel, e investigacion aki ta concreto y ta entrega na Ministerio Publico. Ministerio Publico no por lage tira den lachi y bisti bril ciego.
E asuntonan aki tambe mester wordo presenta den screening pa asina por haci un bon evaluacion.
No por lubida “hedging” cu a costa Aruba 300 miyon florin.
Ademas e mal contract firma cu Citgo unda un clausula den e contract a free Citgo di paga Aruba 300 miyon florin. Dicon de Meza a acepta e mal contract ey cu Citgo ?
Si nos bay riba finansas, como minister di finansas, el’a aumenta debe di Aruba, tur aña cu 500 miyon den rood.
Esakinan tambe mester wordo analisa. Pa e mal record aki, Mike de Meza no ta ministeriabel.
