ORANJESTAD (ARUBA) – AUGUSTUS 27, 2021 — Royal Bank of Canada (RY na TSX y NYSE) (RBC) ta invita personanan na Aruba pa registra awe y participa na su signatura di recauda fondo, RBC Race for the Kids, cual lo bini bek den un formato virtual dia 16 y 17 di October, 2021.
Registracion ta gratis. E fondo recauda for di e evento lo beneficia causanan di hobennan y muchanan den henter mundo, cu 36 socionan di caridad cu e participantenan por scoge pa dunan nan aporte y haci un donacion personal. Fundacion Casa Cuna Progreso ta e socio local di caridad di RBC pa e evento na Aruba.
“E participacion di e comunidad ta fundamental pa e proposito di RBC: yuda nos clientenan pa florece y e comunidadnan progresa,” Rob Johnston, Hefe di Caribbean Banking a bisa. “Ta pesei cu nos ta orguyoso di por continua cu e RBC Race for the Kids den e formato virtual mundialmente. Nos ta emociona pa tin e Fundacion Casa Cuna Progreso como un di nos socionan di caridad y nos ta gradicinan pa nan dedicacion continuo pa apoya e hobenan y nan famianan durante e pandemia di COVID-19.”
Debi na e impacto continuo di COVID-19, participantenan lo disfruta un experiencia virtual innovativo cu un app nobo riba mobil. Despues di registra, e participantenan por descarga e app pa por cuminsa e interaccion cu e diferente funcionan interactivo y emocionante incluiendo:
- Selecciona un distancia pre-determina pa complete den nan comunidad local (sin rutanan estableci). Segun e distancia eligi, e app lo comparti un serie di señalnan di audio durante e evento pa apoya y entusiasma e participantenan pa alcansa nan meta personal final.
- Eligi e metodo mas conveniente pa registra bo actividad: pa medio di e tracker integra den e app, of door di link e na un mashin portable di fitness (smart watch).
- Track e kilometernan/miyanan di training, competiendo contra di personanan individual of ekiponan pa subi e tablanan di clasificacion y sigui e actividad di training di nan compañeronan.
- Graba e presentacion di nan evento y comparti nan mapa di ruta / potretnan denter di e app feed di evento – of publicanan ariba nan canalnan personal di nan social media.
- Kita e blokeo di e lens realistico pa por uza e filtronan di cara y medayanan digital durante y despues cu nan a completa nan evento – cu tambe por wordo ge-post riba nan canalnan di social media personal.
E participantenan ta wordo anima pa finalisa nan careda, caminata of pa participa individualmente of cu nan miembronan di famia y amigonan, mientras nan ta sigui e coseho di salubridad publico local y e reglanan di gobierno.
Prome cu 2020, e eventonan di RBC Careda virtual pa e Muchanan a tuma luga fisicamente na 17 localidad, incluyendo: Bahamas, Barbados, Calgary, Chicago, Hong Kong, Jersey, Kuala Lumpur, London, Montreal, New York, Ottawa, Seattle, St. Paul, Sydney, Toronto, Trinidad y Tobago, y Vancouver. Te cu awe, e serienan a mira mas cu 290,000 participantenan cu colectivamente a recauda mas cu $65 miyon.
Pa registra na e evento virtual gratis of pa haya sa mas tocante RBC Race for the Kids y su socionan di caridad bishita: https://www.rbcraceforthekids.com/.
