Fundación Registracion di Companianan di Construccion (RCC) riba prome di december 2021 a haci entrega certificacion di RCC na no menos cu 9 compania estableci na Aruba cu a pasa dor di e proceso di certificacion di RCC.
RCC a wordo funda cu e meta pa ofrece companianan afilia na e fundacion aki, e oportunidad di usa e logo di RCC pa demostra cu nan ta cumpli cu sierto exigencianan determina.
Cu e paso aki di a ricibi e certificación di RCC, e companianan di construcción aki na Aruba por demostra cu nan ta:
– cumpli cu leynan y normanan local;
– contribui na e economía di Aruba;
– trata responsablemente cu nan personal y nan obligacionan relaciona cu esaki.
Además, e hecho cu un compania tin e certificacion RCC ta yuda e clientela na Aruba pa tuma decision mas confiabel y responsabel ora nan ta busca un socio adecuado pa nan necesidadnan pa proyectonan di construccion, ya cu seguridad durante e proceso di construccion of trabao ta importante.
Di parti di directiva di RCC nos ta yama danki y pabien na cada un di e 9 companianan cu ya caba a haya nan prome certificacion, cualnan ta:
- Amast N.V.
- Bohama N.V.
- Pro-Frame N.V.
- Croon Elektrotechniek Aruba N.V.
- Prime Contractors
- Arubaanse Wegenbouw N.V.
- BK Consult
- Albo Aruba
- Constructiebedrijf Goede Bouw N.V.
Pa mas informacion nos ta referi bo persona na nos website www.fundacion-rcc.com
