Gabiente Mike Eman 1 y 2 ta bay den historia como e Gabinete cu na forma sin precendente a ranca placa di pueblo, violando tur principio di etica, moral y hasta a perde tur berguenza.

Den seno rond di e Ministernan, tabata tumando lugar un fiesta grandi cu placa di pueblo, ne forma cu menos e votadornan di AVP por a pensa.

Companianan di Patrick Paskel tabata wordo usa, pa factura tur e companianan NV di Gobierno, sumanan monstroso, sin ningun sorto di gevoel ni berguenza. No solamente den RDA, pero varios otro empresa nacional di pueblo, tambe tabata ranca placa.

E investigacion den RDA a trece na claridad, con henter e operacion tabata tuma lugar. Un ordo ta bay di halto pa director di RDA, bisando cu Paskel lo bay manda un factura, y pa “zorg” pe wordo gefix. Algun rato despues Paskel ta contact e director cu un e-mail washi washi, pidiendo placa.

Esaki ta parti di e rapport di Caribbean Forensics, unda nan ta relata con e cobransanan a tuma lugar den RDA. Aki por lesa con Tera Group di Patrick Paskel tabata manda factura, cobra placa mientras ni sikiera e oficina of administratie tabatin un contract den file, es decir, cu ningun empleado di RDA tabata por a controla si realmente un servicio ta wordo duna. Esaki ta nada otro cu “chupabebe” politico duna na Patrick Paskel, cu a cobra placa inmerecidamente, sin traha. E rapport aki ta wordo studia dor di Ministerio Publico cu lo bay habri un investigacion contra tur, tambe Patrick Paskel.

Investigacion a bin confirma, cu no tin contract, no tin nada den file di RDA, pues, cu otro palabra, no tabatin tampoco ningun control. Den cualke compania di Gobierno, ta essential cu un “financial controller” por verifica cada recibo, cu si e recibo, loke ta wordo factura, enberdad a wordo deliver.

Den e caso aki, a pone un financial controller, cu tambe a dicidi di coopera y di no haci su trabao, ya cu e no tabata controla recibonan di Patrick Paskel. Cu otro palabra: Cobra pa loco, paga pa loco. E financial controller Veroushka Croes aki tambe a viola su trabao, dor di cera wowo pa amigonan politico.

Patrick tabata manda factura tur luna sagradamente Afl. 8280.00. Pero kico el’a haci? NADA! Esaki no ta tur, pasobra den un di dos compania Patrick Paskel tabata cobra mas placa.

No ta pornada cu ora cu Gobierno di Mike Eman a bay cas, Terra Group tambe a cera porta y no ta activo mas y no ta funcciona mas. Dicon? Pasobra awor e cobransanan di belasting ta yega un tras di otro y ta pensa cu si cera e compania lo por scapa di belasting.

Na varios ocacion den aña 2016 tabata spot casa di Patrick Paskel ta cumpra tasnan cosotso di $ 2000, Louis Vuitton. Cu un entrada asina lucrativo, por compronde con facil ta pa cumpra tas aparentemente cu placa di RDA. E tasnan tabata imprecionantemente hopi grandi y caro.

E bon noticia ta cu tur e cobransanan ilicito aki, sin duna ningun servicio, awor ta riba desk di Ministerio Publico cu pronto lo mester cuminza un investigacion penal unda afpakteam tambe mester activa pa asina debolbe pueblo bek tur placa cu a wordo estafa na forma sin gevoel.

RELATED ARTICLESMORE FROM AUTHOR