Reaccion di Molen ta exageracion total

0
2019

SOLO DI PUEBLO a tuma nota cu De Molen a emiti un reaccion riba un publicacion di SOLO DI PUEBLO di diamomingo anochi. E reaccion di De Molen ta mustra uno hopi rabia, pero alaves ta uno sin base, dramatisacion y exagaracion total. SOLO DI PUEBLO ta considera mas bien cu ta un propaganda e club kier a haci.

E noticia di SOLO DI PUEBLO cu polis a acudi na e club diadomingo anochi, ta basa completamente riba berdad. Un cantidad di polis a acudi pa garantisa cu e fiesta termina na horario stipula. Esaki no ta un atake riba e club, pero un berdad!

Cu e club tabata ‘vol vol’, tampoco ta un atake, pero un berdad y porcierto, nada malo! E videonan cu a acompaña e entrevistanan mes ta mustra esey.

Por lo demas, SOLO DI PUEBLO a trece un opinion, cual ta nos derecho di por opina, cu apesar cu nos ta den normal nobo y cu evento publico a wordo cancela, toch tin fiestanan publico cu ta sigui bay door. Esaki tampoco ta un atake, pero un berdad!

Cu e club no a gusta nos raportahe, nos ta respeta esey tambe. Pero pa papia di ataca e club, y cu semper e club ta bao atake? Nos ta puntra nos mes: Ta ki coy loco esaki ta? Di unda ta traha storia? Nunca nos a ataca e club ey, cu solamente trece raportahe ora algo sosode. Pues hende mester stop di inventa storia.

Pues, no ta necesario pa e club interferi den nos trabao y si nan kier splica nan banda di medaya, semper nos porta ta habri. Pero pa dal un twist, di hasta pensa di bay corte, nos ta puntra nos mes: Are you crazy? Huez lo core cubo!

SOLO DI PUEBLO su reporteronan ta cubri noticia engeneral y den mayoria ves, unda cu polis bay, reporteronan ta yega. Nos tin derecho di busca noticia, trece noticia, y di adresa cualkier situacion, sin interferencia ninguno.

LEAVE A REPLY

Please enter your comment!
Please enter your name here