Ora nos no ta reconoce y confia Dios y dune prome lugar den nos bida, tur momento lo tin confusion y discusion, pasobra nos ta pensa cu e cos tin cu bay manera nos ke, y no manera Dios kier, pasobra nos bista ta riba hende y no riba Dios.
Anto ora e resultado no ta manera nos kier, nos ta rabia cu otro, pero nos ta lubida cu hende ta planea , pero Dios ta dispone, y ora algo no ta den boluntad di Dios , e ta sali contrali di locual nos ta desea.
Pasobra ta esaki ta locual Senjor ta bisa bon cla pa ningun hende no lubida;
Maldiciona ta esun cu ta confia den hende, y ta haci carni su fortalesa.
Y kende su curason ta aleha for di Senjor.
E lo ta manera un mata den desierto, cu lo no ripara ora prosperidad ta bini,
Ma lo biba den lugar seco den desierto, un tera di salpeter sin habitante.( Jeremias 17:5-6).
Den tur cos nos mester duna Dios e prome lugar, den nos hogar, den nos matrimonio, den nos negoshi.Pasobra con cu nos haci, e poder di Dios ta riba tur cos, ora nos ta desconecta for di Dios confusion ta reina.
Ora un pareha no ta conecta cu Dios riba mes un linja tur ora tin discucion, mainta nan ta hari, atardi nan ta pleita, anochi nan ta drumi rabia, pasobra e coneccion cu Dios ta kibra, y asina e porta di tur sorto di malcomprendemento ta habri.
Pero tambe Senjor ta bisa lo siguiente:
Bendiciona ta e hende cu ta confia den Senjor,y kende su confiansa ta den Senjor.
Pasobra e lo ta manera un palo planta canto di awa, y cu lo no tin miedo ora calor bini.
Ma su blachinan lo ta berde, y den anja di secura e no ta preocupa, ni laga di duna fruta.( Jeremias 17:7-8).
Semper pone nos complacencia cu hende den balansa, pa asina evita di halsa hende den nos bida y lubida riba Dios kende a duna nos bida.
Ki dia lo ta posibel cu un reunion den sala di parlamento por wordo habri cu oracion, y un reunion den ministerraad por wordo habri den oracion.
Pasobra ora nos ta busca bienestar pa nos pais nos mester pone Dios prome.Punto.
Proverbionan 3:5-6 ta bisa lo siguiente: Confia den Senjor cu henter bo curason, y no depende riba bo mes comprendemento.
Den tur bo camindanan reconoc’E y E lo dirigi bo berehanan.
Proverbionan 4:1 ta bisa: Mi yuinan tende instruccion di un tata, y paga atencion pa boso hanja comprendemento,pasobra mi a duna boso sinjansa sano, no bandona mi instruccion.
Salmo 32:8 ta bisa: Lo Mi instrui bo y sinja bo e caminda cu bo tin cu cana,lo Mi conseha bo , mi wowo ta riba bo.
Den 2 Cronicanan 16:9 e palabra di Dios ta splica nos con e wowo di Senjor ta riba esnan cu nan curason ta completamente di dj’E.
1 Pedro 5;7 e palabra di Dios ta bisa nos pa tira tur nos preocupacion riba Senjor, pasobra Senjor ta preocupa pa nos.
Isaias 41:10 ta mustra cos con Dios ta yuda nos.
Hebreonan 4:16 ta mustra nos con nos mester yega na e trono di gracia di Dios.
Ora hende no ta conecta cu Dios, pero tur cos ta carnal, Stress y Depresion ta para tras di porta pa drenta, pasobra nan ta tuma decision robes, y asina nan bida ta bira instabil.
Reconoce y duna Dios tur honor y Gloria, pasobra E ta Dios.
Sinceramente, Pastor Marcel Balootje
