Durante ultimo dos siman, Hilton Aruba Caribbean Resort & Casino a celebra Team Member Appreciation Week durante e celebracion anual di Team Member Appreciation Week.
E actividadnan a coresponde cu e compania su lema, pa ta den e negoshi di sirbi hende, y continuamente inverti den su empleadonan pa sigura cu nan ta keda satisfecho cu nan trabao.
Ki miho manera cu interaccion divertido den ambientenan informal y casual?
Actividadnan a inicia cu un Team Members Appreciation Lunch riba 27 di Juni den e Grand Ballroom, incluyendo un show di magia. E siguiente dia, e empleadonan a embarca den un group hike, for di Balashi Gold Mill Ruins te na lama na Spaans Lagoen, pa un encuentro unico y tambe educacional cu naturalesa.
Un otro actividad social exitoso tabata e bowling na Eagle Bowling Palace, cu entretenimento di DJ y premionan pa e team ganado. E team cu e pañanan di mas creativo tambe a ricibi un premio.
E actividad di mas energetico di siman tabata Saturday Night Soccer Match na unda dos all-star lineups a reta otro den un tremendo wega di futbol.
The Grattitude Tree tabata un actividad popular tambe na unda cu empleadonan a wordo puntra pa expresa nan pensamentonan di aprecio na otro y nan lugar di trabao. Nan a haci esaki por medio di un gesto na unda cu tur hende por a yena un tronco seco cu blachinan di mata cu mensahenan di aprecio skirbi riba nan pa individuonan, e propiedad , Hilton, Aruba of hasta e universo.
E resort a brinda blachinan pa asina cada departamento por yena nan mensahenan di aprecio y gratitud y agrega esakinan na e tronco situa na e Cafeteria durante un periodo di un siman. Na final di e siman aki e tronco tabata yena di blachi di mata.
“Tur cos ta trata di nos team members,” General Manager Vasco Baselli ta bisa,”nan ta e motibo pa kico e luz y calor di hospitalidad ta briya asina grandi mas cu nunca.”
E tempo cu a wordo pasa hunto yena cu positivismo y amabilidad, a contribui na un serie di eventonan inolvidabel cu lo yuda e miembronan di team aki pa sigui crece y florece.
