E organisadornan di e Weganan di Tokyo ta planea pa sigui aproximadamente e mesun calendario pa e relevo di e antorcha na nivel nacional cu lo precidi na e cita Olimpico, posponi pa 2021 door di e pandemia di coronavirus, Kyodo News a informa diahuebs. E relevo lo cuminsa dia 25 di maart den e prefectura di Fukushima desde e centro di entrenamento di futbol J-Village, un simbolo di e reocnstruccion di Hapon di e teremoto y tsunami di 2011, Kyodo a bisa, citando funcionarionan no identifica cu conocemento di e asunto. E vlam Olimpico lo pasa door di e 47 prefecturanan di Hapon den e relevo cu lo dura 121 dia, manera cu a planea originalmente, e agencia di noticia a agrega. E inicio di e relevo tabata programa pa dia 26 di maart di e aña aki na J-Village, pero algun dia prome cu esey e Comite Olimpico Internacional y e Gobierno Hapones a dicidi pa
pospone e Weganan pa un aña debi na e pandemia di Covid-19. E organisadornan ta apunta pa schuif e evento manera cu a planea originalmente, pero ainda por haci cambio pa contene e propagacion di coronavirus, Kyodo a bisa. “Nos ta sgui respeta e marco original mas tanto posibel mientras cu nos ta revisa con nos ta organisa e Relevo di e Antorcha Olimpico,” e comite organisador a señala den un comunicado manda via email como respuesta na e informe. E Weganan Olimpico di Tokyo awo ta programa pa dia 23 di juli te cu dia 8 di augustus di 2021.
