Un red di doño di funeraria na China ta sospecha di a horta cadaver durante hopi aña, pa despues bende nan na compania medico. Ta kere cu 4000 cadaver a wordo uza pa transplante di weso.
E autoridadnan Chines tin 75 sospecho aden y e investigacion ta andando. Varios funeraria tabata horta cadaver despues di ceremonia di despedida, despues cu e famia a paga normal p’e entiero.
Nan tabata sconde e cadaveran, cambia e documentonan y corta e curpa pa bende na dos compania grandi. Ta kere cu e red aki a genera mas cu 53 milyon dollar. E noticia a bay viral na China, cu a shock e cuidadanonan.
