Federacion di Futbol di Aruba (AVB) ta orguyoso di anuncia cu un biaha mas, tres arbitro Arubano a wordo selecta pa dirigi e prestigioso torneo CFU Club Shield 2025 na Trinidad & Tobago. Esaki ta un reconocemento grandi pa e calidad di arbitrahe den nos pais.
E referynan cu lo representa Aruba ta:
- Jerwin Giel (Arbitro)
- Ricangel de Leça (Arbitro FIFA)
- Tristan Vermeulen (Arbitro Asistente FIFA)
Pa Jerwin Giel, e torneo aki ta brinda un oportunidad unico pa demostra su habilidadnan riba nivel regional. E participacion aki por sirbi como un bista y observacion importante pa su candidatura pa subi e Lista FIFA di arbitronan pa aña 2026.
AVB ta desea tur tres arbitro tur clase di exito durante e CFU Club Shield 2025, sigur representando Aruba cu dignidad y profesionalismo. Nos ta convenci cu nan lo haci un tremendo trabou!
