Na e yegada di Miss Universe Aruba, top 30 Miss Universe, Anouk Eman, e siman cu a pasa, e representantenan di Cas Princesa Aruba tawata presente na Airport Aruba.
Grandi tawata e alegria sinti ora cu cada reina di e fundacion Cas Princesa Aruba a mira e representante di e beyesa maximo di Aruba, efectua un papel asina importante pa nos isla. Ta p’e motibo aki, e reinanan Princess Beauty Haily Comenencia, Little Beauty Carly Yenne Maduro, Pre Teen Beauty Mia Mc Collum y Miss Ambar Mundial Jayleen Croes reinanan a bay ricibi Anouk cu hopi orguyo.
A felicita Anouk cu hopi cariño indicando cu e ta un ehempel grandi pa tur mucha muher cu ta desea di representa nos isla den eventonan grandi mundial manera Miss Universe.
