Ayera a tuma lugar un evento di gradicimento unda cu Aruba Aquatics Federation a tuma tempo pa duna atencion y aprecio na diferente personanan cu di un of otro manera a y ta yuda e federacion cu diferente trabownan, sea como voluntario of cu compensacion den e diferente disciplinanan.
Aruba Aquatics Federation atraves di su diferente disciplinanan activo, esta Swimming (natacion competitivo), Open Water Swimming y Artistic Swimming ta organisa diferente competencia y campeonatonan durante aña unda cu tin basta hopi atleta ta participa y competi. Mayoria di e competencia y campeonatonan ta conta cu masha hopi voluntario pa yuda organisa y tambe para como oficial na esakinan sacrificando nan oranan liber pa ta na piscina yudando nos juventud.
Tambe a gradici y duna reconocemento na dos coach cu pa hopi aña a yuda e federacion dunando entrenamento na nos atletanan. Coach Chacon den Natacion y Coach Alba den Natacion Artistico a haya un regalo di aprecio pa nan añanan di trabow y dedicacion.
Reconocimiento special a bay tambe na Mikel Schreuders y Ally Ponson kende a representa nos pais dignamente na Weganan Olimpico 2021 na Tokyo.
Y finalmente a duna reconocemiento na Sra. Esther Croes y Sr. Ronald Leito, kendenan a fungi como comision tecnico y oficial na Weganan Olimpico 2021.
Presente tambe tabata Sra. Maureen Croes, presidente di Panam Aquatics y Sra. Nicole Hoevertsz, vice-presidente di Comite Olimpico Internacional kendenan tambe a subraya e importancia di voluntarismo.
