DI CUATER MORTO DEN TRAFICO
Tabata diadomingo 8 juni 2025 pa mas o menos 12:20pm a sosode un accidente basta pisa na altura di Today supermarket na Cura Cabai. Un auto mester a alcansa un peaton. Ta trata di un auto di marca Kia, modelo Sonet color shinishi cu tabata riba dicho caminda bayendo direccion abou.
Central di Polis ta dirigi unidadnan di San Nicolas, trafico y ambulance na e sitio. E peaton a keda gravemente herida y a wordo transporta cu urgencia pa Hospital.
Tabata despues di varios dia di lucha pa su salud, awe madruga ta drenta e tristo noticia cu e peaton a fayece. Dokter ta constata morto di e hende homber Michael Gerard Hector naci ariba 3 december 1972 na Aruba.
E caso lamentabel aki ta bou investigacion pa Departamento di trafico. Cuerpo Policial Aruba ta manda palabranan di condolencia pa e famia di e victima.
