Resumen “Crecemento dirigi. Rapport di Staatscommissie  Demografische Ontwikkelingen Caribisch Nederland 2025” – Richard van Zwol, Glenn Thodé, Tamara van Ark, Daniël van Vuuren, Luc Alofs, Gerald Berkel & Arthur Sealy 

Pa logra of mantene prosperidad ampliamente na Bonaire, Sint Eustatius y Saba na aña 2050, ta  necesario pa implementa un política di crecemento demografico. E comision di estado ta demostra cu  prosperidad amplio na Bonaire, Sint Eustatius y Saba ta bou di presion. E posicion socio-economico di e  populacion local ta considerablemente mas vulnerabel, compara cu e Hulandesnan Europeo recien yega,  cu frecuentemente ta ricibi un salario mas halto. Ademas, e islanan di Caribe ta vulnerabel pa e  consecuencianan di cambio di clima. Imigracion desfrena riba e islanan di escala chikito, manera ta e  caso awo, ta reinforsa e division di prosperidad y e decadencia den cohesion social entre e residentenan  estableci y esnan di afo. Esaki ta loke e comision di estado (State Commission) a indica den e rapport  “Targeted Growth” (crecemento dirigi), publica riba 4 di juli 2024.  

Pa logra bienestar general amplio ta rekeri escogencia robusto di politica. Debi na e populacion, cu ta  enbeheciendo, e demanda pa cuido medico ta aumenta, mientras escasez di trabou ta birando mas  grandi. En principio, migracion di labor por cumpli e demanda creciente pa cuido, pero migracion  mester enfoca enberdad riba e necesidadnan existente. Ta importante pa ofrece servicio y  oportunidadnan na e migrante laboral, incluyendo esnan cu ta regresa na e islanan. Esaki ta crea dilema  nobo: cu e fin di alcansa e crecemento previsto, mester haci escogencianan tocante planiamento di  espacio, enseñansa y bibienda, manteniendo e gastonan di servicionan publico pagabel. 

Teniendo na cuenta e escala chikito y vulnerabilidad di e islanan, no por provee tur servicio publico na  Boneiro, Sint Eustatius y Saba. Colaboracion, cu por ehempel, hospital y scol na otro paisnan den Caribe  y cu e parti Europeo di Hulanda, posiblemente por ofrece un solucion. 

Ki cantidad di populacion pa Boneiro, Sint Eustatius y Saba ta ofrece un prospecto di prosperidad  amplio? Pa contesta e pregunta aki, mester mas dato demografico, cu ta sostene e escogencianan  robusto di politica. Solamente cu escogencianan pa crecemeneto dirigi lo por mehora e nivel di  bienestar na Boneiro, Sint Eustatius y Saba.