Den fin di siman a tuma luga na Heredia Costa Rica e di XIV Costa Rica Open G2 event. Joshua y Jourdé Klabér a participa den e categoria di adulto -58 kilo.
Jourdé Klaber su prome pelea a bay contra di Adrian Penalba di Panama y Jourdé Klaber a gana 2-0. Jourdé Klaber a topa cu Gavin Grant di Merca y Jourdé Klaber a perde e pelea 2-0.Joshua Klaber a bringa su di 5 evento den e categoria di adulto y a topa cu Vicente Pizarro di Chile. Joshua Klaber a cuminsa e pelea bon, ganando e prome rond 17-5 pa despues bin y perde 2-1.
Jermain James di Merca a coach rumannan Klaber. Jermain James a remarca cu cada evento ta un experiencia mas pa e rumannan Klaber.
Presidente di Aruba Taekwondo Bond Sr. Moises Fernandez ta satisfecho cu e resultado di e rumannan Klaber den e di XIV Costa Rica Open y ta hopi contento cu e medaya di Oro di Srta. Jenniffer Baez Garcia. Training ta sigui pa e proximo evento di G2. Awo rumannan Klaber tin dos dia di descanso pa asina sigui cu training y despues atende un camp training pa 3 siman pa prepara pa e proximo evento.
