Siman pasa tabata tin varios evento di Taekwondo na Lima, Peru. For di 9 di Juni te cu 22 di Juni entre otro: 137 WT seminario di Kyorugui y 152 WT curso di refreshment pa Kyorugui.
62 WT IR seminario y 59 WT IR curso di refreshment. Prome campeonato Pamanericano pa hende muhe den Poomsea y Kyorugui. Copa Kukkiwon den Poomsea “Forma” y Kyorugui “Bringa”. 2ndo Kukkiwon Cup.
Taekwondo Team Aruba tabata tin 3 participante y coach Master Yoshmar Wever. Aidan Klaber
a perde su pelea pa mey kilo contra di e weegschaal. Quinten Klaber a bringa contra di Christopher Andre Astorga for di El Salvador. Quinten Klaber a perde e prome rond cu un score di 18-0 cu ta point gap. Den e di dos rond Quinten Klaber a logra score 3 punto pero e no tabata suficiente fuerte y a perde e rond aki 13-3.
Rachid Erasmus a topa Athan Valentino Asencion Pantoja di Peru. Rachid Erasmus a cuminsa bon ganando e prome rond cu un scor di 5-5. Den e di dos rond Rachid Erasmus a haci varios atake, pero su contrincante a domina e rond ganado esaki cu un score di 7-3. Den e ultimo rond Rachid Erasmus a purba, pero no a logra.
Coach Master Yoshmar Wever ta satisfecho cu e resultado y awo ta bay analisa pa asina prepara pa e futuro.
