E anochi prome cu e celebracion di Dia di Bandera di Corsou, Minister Maduro di Cultura a haya e oportunidad pa presencia e evento organisa pa e ‘Plataforma Sklabitut i Herensia di Sklabitut’ hunto cu Gobierno di Corsou, cu a conta cu e obra teatral ‘Eko di Libertad,’ cu a keda presenta riba Plasa Brion en conexion cu Dia di Emancipacion na Corsou riba 1 di juli.
![](https://solodipueblo.com/wp-content/uploads/2024/07/Emancipacion-Curacao-05-1024x683.jpeg)
Tabata un evento pa marca e di 160 aniversario di abolicion di sclavitud den Reino Hulandes na aña 1863, na momento cu mas di 5000 catibo a recobra nan libertad despues di añanan di opresion y sufrimento. E abolicion di sclavitud no solamente a marca un momento significativo den bida di esnan cu tabata esclavisa, pero tambe den e historia di Pais Corsou. Esaki a nifica un comienso nobo, un oportunidad pa dignidad y un bida liber pa esnan cu a wanta asina hopi.
![](https://solodipueblo.com/wp-content/uploads/2024/07/Emancipacion-Curacao-04-1024x683.jpeg)
E obra teatral ‘Eko di Libertad,’ ta un musical scirbi y dirigi pa Santley ‘Choco’ Goedgedrag cu canticanan scirbi y adapta pa Valdemir Valerius. E actuacion tabata den man di un elenco di hoben talentoso di Curaçao Carnival Royality den colaboracion cu Explosion Dancers den cual a refleha riba e pregunta si nos ta cla pa kibra cu regla, sigui nos pasion y ta cla pa emancipacion. En corto, e obra ta conta e storia di un Pueblo cu ta biba oprimi bou e mando di nan Reina Griselda cu ta prohibi tur sorto di exprecion di arte. Sinembargo, e Pueblo no a permiti nan spirito wordo kibra y a sigui practica arte den scondi luchando pa nan libertad den cara di oprecion. Un obra cu ta inspira nos pa refleha riba nos bida y nos propio lucha pa emancipacion.
![](https://solodipueblo.com/wp-content/uploads/2024/07/Emancipacion-Curacao-03-1024x683.jpeg)
Minister Maduro ta felicita e organisadornan y e hobennan talentoso cu atraves di e obra ta corda nos riba e spirito resiliente di nos hendenan cu ta inspira nos semper pa ta un miho hende y nacion.
![](https://solodipueblo.com/wp-content/uploads/2024/07/Emancipacion-Curacao-02-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-18-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-17-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-07-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-08-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-09-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-10-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-11-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-12-1024x683.jpeg)
![](https://solodipueblo.com/wp-content/uploads/2024/07/Emancipacion-Curacao-13-683x1024.jpeg)
![](https://solodipueblo.com/wp-content/uploads/2024/07/Emancipacion-Curacao-14-683x1024.jpeg)