Premier Hulandes Rob Jetten a declara cu Aruba tin oportunidad pa sigui hunga un papel importante den sector di energia mundial durante e siguiente 20 aña, apesar di e transicion global pa energia sostenibel.
Durante su declaracion, Jetten a reconoci cu hopi pais ainda lo depende di gas y otro fuente di energia tradicional den e periodo cu ta bin:
“Maar we zijn natuurlijk voor de komende twee decennia echt nog wel afhankelijk, ook van met name gas in veel energievoorziening.”
El a agrega cu Aruba, mescos cu Surinam y otro paisnan, tin oportunidadnan economico den e sector aki:
“En Aruba heeft net als Suriname en andere landen natuurlijk kansen om daar de komende tijd nog een rol van betekenis te spelen.”
Jetten no a menciona especificamente un refineria of reapertura di e refineria na San Nicolas. Sin embargo, su comentario ta indica cu e ta mira posibilidadnan pa Aruba contribui den diferente actividadnan relaciona cu energia, manera infrastructura energetico, almacenamiento, terminalnan, of otro servicio den e industria.
E politico Hulandes a enfatisa tambe cu entrada financiero genera for di sector energetico mester wordo usa pa impulsa e transicion pa energia limpi:
“Mijn oproep zou dan wel zijn zet dan de opbrengsten daarvan in om de duurzame transitie ook echt goed te kunnen financieren.”
Segun Jetten, e meta mundial ta reduci dependencia riba combustible fosil, pero e transicion no por sosode di un dia pa otro. P’esei, paisnan manera Aruba ainda por hunga un rol relevante mientras cu mundo ta move gradualmente pa energia renovabel.
Segun Jetten, e meta mundial ta reduci dependencia riba combustible fosil, pero e transicion no por sosode di un dia pa otro. P’esei, paisnan manera Aruba ainda por hunga un rol relevante mientras cu mundo ta move gradualmente pa energia renovabel.
HULANDA LO BAY AUMENTA SU PRODUCCION DI GAS:
Rob Jetten a bisa claramente cu apesar di meta climatologico, Hulanda mes ainda lo aumenta produccion di gas den e añanan cu ta bin.
E frase exacto tabata: “En zo zie je dat ook Nederland de komende jaren nog de gasproductie op de Noordzee echt opschroeft, om daarmee onze energie onafhankelijkheid ook te kunnen waarborgen.” Traduci den papiamento: “Asina bo ta mira cu Hulanda tambe den e siguiente añanan lo aumenta produccion di gas den Noordzee pa por garantisa independencia energetico.”
