Segun e ley di screening, investigacion fiscal no ta solamente encera si un persona debe belasting, miembor di fraccion di MEP, Parlamentario Rocco Tjon, a splica. E ley ta bay mas leu, scrutiniando si den pasado tabatin areglonan di pago cu no a wordo cumpli cu nan. Ademas, e ley ta duna autoridad na e departamento concerni pa trece padilanti tur aspecto of situacion relevante di e persona cu ta wordo propone pa minister. Esaki ta inclui asuntonan manera no paga belasting, bende companianan of shares sin meld esaki y sin paga e belastingnan corespondiente, of cualkier comportacion fiscal incorecto. Tur e hallazgonan aki Departamento di Impuesto lo trece padilanti na e formador pa asina e por tuma un decision responsabel tocante e voordracht.
