Diahuebs mainta Parlamento di Aruba a trata e tematica di prestamo di placa for di Hulanda mara na condicionnan imponi door di Hulanda. Parlmantario Rocco Tjon a hiba su disertacion, cual a mustra cu loke Hulanda kier pone como condicion ta inacceptabel.
Tjon a cuminza na bisa cu e ta hopi indigna:
Mi ta hopi indigna riba cierto expresionnan cu mi ta scucha door di mi mesun coleganan awe mainta. Cu autoridad ta bin responsabilidad tambe y fraccion di MEP ta sali na bisa mesora: nos no ta accepta e condicionan cu hulanda kier impone riba nos.
AWE NOS TA DISCUT PRINCIPIO
Awe nos no ta trata di un discusion di placa, nos no ta trata un discusion si e decisionnan aki ta uno basa, si nos tin di come of no. Nos ta basa nos discucion awe, cu yama principio y principio hamas ta na benta. Awe ta un discucion politico pasobra si bo analisa criteria obhetivo, huridico nos tin rason. Si nos analisa tur criteria obhetivo manera financiero nos tin rason. Knops a admiti publicamente cu Gabinete Wever Croes a cumpli cu tur palabracion, pues loke ta restabo, ora tur logica ta bisabo cu bo tin rason locual ta restabo ta principio y bo sentimiento como Arubiano y e sentimiento ey hamas ta na benta.
SI RIJKSMINISTERRAAD A SIGUI CONSEHO DI CFT, AWE NOS NO TA PARA DEN E SIUTACION AKI:
Tjon a sigui hibsa su disertacion den parlamento: Anto mi mester bay bek den pasado pa mi por splica pueblo di con nos fraccion ta contra di e condicionnan inhusto aki di parti di Hulanda. Anto mi mester bay bek na 2014, pasobra si Hulanda simplemente a sigui e consehonan di su propio organo di supervision e Caft, nos lo no ta den un situacion financiero cu Gabinete Wever Croes a hereda na 2017, pasobra na 2015 na 2016 y 2017 Caft a señala cu ta sera presupuestonan abase di cifranan irealistico, abase di praticanan cosmetico, pues si Rijksministerrad simplemente a sigui e consehonan di nan supervision, di nan colegio di supervision, awe nos no ta para den e situacion aki.
Si Rijksministerraad a sigui e conseho di CFT di 24 di juni 2020 nos lo no tin e discucion awe riba e fiansa di likides, pa loke ta e tercer trache. Pasobra preto riba blanco nos tine, unda CFT a bisa cu Aruba ta cumpli cu tur condicion y nan ta conseha Rijksministgerraad via un carta dirigi na minister president di Hulanda Mark Rutte, nan ta conseha senjor Rutte y mi ta bay lese, pasobra Aruba a cumpli.
Pues si Hulanda simplemente sigui e consehonan di nan colegio di supervision financiero, nos no tin e discucion awe y pa e motibo ey ami hamas lo bay acuerdo cu esaki y nos fraccion tampoco pasobra Gabinete Wever Croes bou di señora Evelyn Wever Croes a transforma un defecit di 444miyon florin na 2014 na surplus na 2019.
Dia 24 di juni ta comosifuera Rijksministerraad a wordo confronta cu un hecho cu nan no a spera, unda e colegio di supervision financiero a bisa Rijksministerraad cu Gabinete Wever Croes a y ta cumpli cu tur condicion. Gabinete Wever Croes ta hibando un gobernacion bon, pues dunanan e sosten di likides, ta comosifuera ministerraad no a spera esaki y door di e motibo ey nan a warda te tres dia prome cu e decision mester a cay pa bin cu condicionnan riba nos, condicionnan inrealistico inhusto anto purba di exigi un decision di nos gobierno.
E salida fasil lo tabata cu nos prome minister lo a bay acuerdo cu esaki y pesey mi ta contento tambe cu awe den sala di pueblo, nos prome minister a splica bon cla cu e no bay acuerdo cu nada. Paso esey ta locual te cu un ora prome e reunion aki parlamentarionan di AVP ta grita pafo, cu nos prome minister a bende pais Aruba riba mercado Hulandes.
Anto esey ta e falta di seriedad di nos parlamentarionan den sala, di mi coleganan den sala anto eta indigna ami pasobra awe bo no por kies pa bay acuerdo pa un parti di e condicionnan, bo no por kies pa condena un parti di e condicionnan, pero tog bay di acuerdo.
Fraccion di MEP ta keda para riba e punto di salida cual nos a ancra den un emocion 9 di juni, e proceder di Hulanda, ta falta nos respect y pues nos a pidi Gabinete Wever Croes pa bay negocia cu Hulanda y esey ta keda nos punto di salida pasobra nos si ta pensa mescos, nos tin responsabilidad como representante di pueblo, Gobierno di Reino y e parlamentarionan Hulandes tambe tin un responsabilidad.
Pues pase loke pase ami lo para pa mi decision, si e costami voto of e no costami voto, pero esey tambe ta conta represtantenan Hulandes, pasobra nan tambe tin un responsabilidad cu ta ancla den leynan. E ta un falta di respet pa ami bay contra nos profesionalnan riba e tereno di finansas, cu ta splica nos awe cu Aruba tin rason, Aruba a cumpli y pesey ya caba Hulanda a bay di acuerdo pa duna nos e sosten di likides.
HUSTICIA: HULANDA TA HAYA MAL INFORMACION, SIN VALIDA, TA CAUSA PA DRENTA CAS ROBES DI HENDE INOCENTE
Mi ta bay breve riba e parti di Husticia cu un ehempel simpel con importante esaki ta. Autoridadnan Arubiano a base di informacion cu a wordo compila door di RST sin cu esaki a wordo valida, a drenta cas di hende robes pasobra e Hulandesnan a bisa e polisnan di Aruba cu ta bay tin un entrega di kilonan di droga na un cas. Autoridadnan di Aruba a bisa, no e hendenan aki no ta meti den actonan criminal! Hulanda a insisti y a pone presion, y door cu nos no tin tempo pa dilebera, nos a drenta un cas caminda nan a deliver sopi di yuwana. E por zona hopi chistoso, pero e no ta chistoso ora Hulanda bay hiba mal informacion, sin cu esaki mester wordo valida, pa perhudica nos pais, nos politiconan nos cuidanonan cu ta inocente cu nan ta traha husto pa nan pida pan.
