Informacion no oficial cu SOLO DI PUEBLO a ricibi ta indica cu e parada di fakkel di diasabra awor lo no tin e acostumbrado precencia di personal y volunatarionan di Rode Kruis.
Motibo di esaki ta pasobra cu SMAC tin un debe habri na Rode Kruis di 23 mil florin cual e organiscion di Caranval no a paga.
Esnan na altura di e informacion aki a bisa cu e hecho aki ta uno sumamente peligroso, pasobra cu regularmente ta hopi cos ta sosode durante fakkel y cualkier otro carnaval, unda e prome asistencia ta importante.
E biaha aki, aparentemente SMAC a contrata otro compania cu lo brinda ayudo solamente na participantenan. Pues mirones lo no haya ayudo.
Informantenan a bisa SOLO DI PUEBLO cu lo tin un reunion programa entre Rode Kruis cu SMAC pa otro siman. Pues entodo caso pa fakkel Rode Kruis lo no subi caya.
Tambe por a lesa cu SMAC ta pidi voluntario. Nos no sa si encaso cu SMAC mes lo kier organisa su propio SMAC KRUIS.
