Aruba Tourism Authority (ATA) ta preparando pa un posibel caida den e cantidad di turista for di Merca den e di dos mita di aña aki. CEO di ATA, Ronella Croes, a informa Parlamento dialuna mainta cu un analisis a mustra menos reservacion y booking compara cu e mesun periodo aña pasa. Basa riba esaki, ATA a formula dos scenario hipotetico di un bahada di 5% of 10% for di Merca, locual por traduci den un caida di 3% of 6% den turismo total pa Aruba. Pa contraresta esaki, ATA ta enfocando mas riba Latino America y Europa, den combersacion cu aerolineanan pa aumenta capacidad aereo for di e regionnan aki.
