Diaranson awo, 12 di februari, lo tin otro Rosario Bibo na kapel di Alto Vista. Manera ta custumber tur luna, fielnan ta reuni na pia di Birgen di Alto Vista pa pidie su proteccion pa nos isla y pa nos casnan di famia.
Ta cuminsa resa pa 7 or y mey di anochi y cada persona por presenta su intencionnan personal y general.
Mundo ta pasando den momentonan dificil y pesey tur orashon ta yuda pa trankilidad den cada pais y naturalmente pa Aruba tambe.
Diaranson ta dos dia prome cu dia di Amor y Amistad y ta momento pa nos reflexional riba loke Hesus a siña nos, esta pa nos stima nos ruman, nos prohimo. Duna atencion na nos grandinan, tur enfermo, esnan den cualkier necesidad sea material of spiritual.
Comision organisado ta invita tur fiel pa asisti na e Rosario Bibo pa luna di februari, diaranson awo 12 di februari na kapel di Alto Vista.
Na nomber di comision
Nilda Koolman
9 di februari 2025
