Rosario Bibo diaranson 16 di februari na Alto Vista
Diaranson awo, 16 di februari, lo tin otro Rosario Bibo na kapel di Alto Vista. E rosario lo cuminsa pa 7 or y mey di anochi.
Na e ocasion aki cada persona por presenta su intencion personal y tur presente lo pidi intercesion di Birgen di Alto Vista pa e peticionnan wordo concedi.
Tambe lo resa hunto pa felicidad den cas di famia, pa nos muchanan y hobennan ta exitoso na scol, pa tur maestro y trahado, pa tur esnan cu ta dirigi nos pais sea na nivel gubernamental of nivel particular.
Lo resa tambe pa tur enfermo, pa nan haya sanacion na alma y na curpa.
Un invitacion cordial pa hoben y adulto pa asisti na e proximo Rosario Bibo diaranson awo, 16 di februari, pa 7 or y mey di anochi na kapel di Alto Vista.
Na nomber di comision organisado
