Diadomingo, 11 di oktober 2026, e rotonde situá na e crusada di Driemasterstraat, Belgiëstraat y Sta. Helenastraat a bira un punto di atraccion, ora cu su iluminacion festivo a keda sendi pa promé biaha.
Esaki ta un momento special, pasobra pa promé biaha e rotonde aki ta wordo ilumina pa e temporada di Pasco. E iniciativa ta parti di e esfuerso pa trece mas ambiente, alegria y spirito di union den nos comunidad durante e dianan festivo.
E rotonde a wordo adopta e aña aki pa Mistletoe Christmas Pop-Ups, cu ta traha pa trece e magia di Pasco mas serca di nos comunidad. E iluminacion ta un adelanto di loke ta spera nos na e Mistletoe Christmas Park, cu lo habri su porta dia 23 di oktober 2026.
Cu e iniciativa aki, Mistletoe ta sigui su compromiso pa crea momentonan special pa hendenan di tur edad, unda lus, ambiente y e magia di Pasco por reuni famia, amigo y henter comunidad.
Pasco ta den aire, y Oranjestad West a cuminsa briya ! ✨��
