E conocido animador y locutor Ruben Scorpio Garcia a bay sosega. E noticia a drenta diahuebs merdia.

Pa un tempo largo Ruben ta hibando un lucha cu su salud. Algun aña pasa el’a haya un atake di curazon, a recupera, pero despues a sigui haya otro problemanan di salud. Ultimo lo tabata reto cu pulmon.

Ruben Garcia tin record pa entretene nos pais cu su forma unico di anima presenta y locuta. Tanto na radio como television.

Ta un di esnan cu tabata presenta programanan di cada temporada. Manera su programa di Carnacal ‘Aki aya’ y asina hopi otro mas.

Solo di Pueblo ta extende palabranan di condolencia na su famia, amigonan, coleganan di radio y television y na tur su fansnan.

LEAVE A REPLY

Please enter your comment!
Please enter your name here