A tuma un par di dia pa kom bij di e dushi vakantie na Madre Patria cu famia. Y ya nos a cumpli cu algun otro famia, atende entierro di nan sernan keri cu a bay nos dilanti y nos a bishita famia di un amiga,cu ta sufriendo kebrante di salud, pa nos por a canta algun cantica cu nan, despues cu Pastor Jairo a hasi un oracion bunita cu nan. Ta momentonan pa duna forsa y alegra e alma y curason sigur !
Den siman tray lomba Lady Ruth a bishita tambe e bunita exposicion di Sclavitud y Libertad cu tawata exhibi den e sala di e Museo den Fort Zoutman Willem III Toren den su ultimo dianan, y a wordo ricibi calurosamente pa e cabayero semper atento y servicial trahando ketobay ,Roy Feliciano, y a topa cu Nicole y Shaz di New Jersey y despues tambe Jody, e pareha di Andre e artista pintor, a yega.
Un tema doloroso pa akibandanan tambe di mundo, specialmente riba nos islanan ruman Corsouw y Bonaire. Nos no a hanja mucho les di esey na scol of no a hanja mes antes tempo di nos hubentud. Of ta asina hopi tempo pasa, cu nos no ta corda di a hanja esaki como parti di “geschiedenis” na scol. Ta te ora cu Lady Ruth a bay Bonaire wak e slavenhutjesnan y bay Corsouw y wak e museo Cura Hulanda cu nos a keda impacta cu hendenan tawata wordo trata malo y bendi como esclavo etc.pa motibo di nan color di cuero. Hopi pero hopi tristo mes !
Danki Dios cu ya ta basta anja cu nan a wordo libera. E exposicion den Fort Zoutman tawata di e artista di Merca, Andre Henderson cu a laga demonstra su bunita obranan di arte di laman den e olanan brabo cu a guli acepta y ricibi esnan cu a muri abordo cu a wordo tira na awa, y duna nan paz . Por a wak un obra di bayle prome cu nan a wordo gara como esclavo y hopi mas obra den colornan bunita exhibi, colornan colorido cu mester purba tapa e dolor di e tema scur y doloroso aki di esclavitud.
Of pa accentua e sintimentonan di paz y trankilidad den nan alma fuerte cu si no por a wordo horta of kita fei nan. E fecha di Abolicion di Sclavitud cerca nos y Surnam ta 1 Juli 1863. Danki na e.o. sra Maria Silva Hart di Vibration PR cu a laga trese e exposicion aki Aruba. Lady Ruth a atende e entiero di John Zara di Dakota y por a saluda amigo Netto y tambe ruman Juffrouw Grace Zara, deseanan tur hopi consuelo y amor .Un of dos dia despues Ruthy a atende e entierro di Rory Arends, un legendario y pilar den turismo.( Tawatatin 3 dia cu e oportunidad di condoleer pa Rory y nos a logra bay e ultimo dosnan ) Nos por corda con bunita e cantante hulandes Frank de Jong a canta cancionnan bunita di Frank Sinatra y e speech bunita di un cabayero colega amigo den turismo di Rory, tempo di nan tempo. Nos a honra e deseo di Aby, e yui muhe di Rory y Lucy awe ambos den felis memoria, y a inspira y recita un bunita poema cu Dr. Roderick “Rory” Arends na mente, alma y curason. Mi kerido esposo a conose Rory, tempo Johan tawata traha cu computer pa toeristenburo hopi anja pasa.
Nos a conose Lucy y Rory como un pareha dinamico den turismo. Lucy tawata traha den oficina na Aruba Beach Club/Casa del Mar e tempo ey, mientras su esposo Rory tawata briya cu su bon ideanan, projectonan y trabaonan den turismo all over.( E di 3 dia di condoleer pa Rory , Ruthy tawata contento di por a topa un ratito asina cu sra. Myrna Jansen Feliciano y Glennys Tromp ambos tambe pilarnan den turismo , nan tambe a of ta traha pa hopi anja cu hopi pasion den e ramo turistico .)( Nos otro compromiso no a duna nos bay mas tempran e mainta aki, pero si na tempo pa a scucha un sra . canta e cancion “Vaya con Dios” masha masha bunita mes y duna Aby un extra bearhug .) Lady Ruth tawata traha den activities como social hostess na Aruba Beach club/Casa del mar den anjanan nobenta asina, y ta corda e dos bunita cara y curasonnan aki di Myrna y Glennys. Un otro pilar den turismo : Jan van Nes. Awor cu su mesun restaurant Peruano cu cuminda hopi pero hopi dushi mes ! Un bearhug pa bo lieve Jan van Nes, unda cu bo por ta !!!
Nos a hasi conosi despues tambe cu Abigail “Aby” Arends cu tambe a bira un profesional den su ramonan di trabao y tambe cu e tokenan spiritual di su bunita mama Lucy, cu ta un di e rumannan bunita di nos amigo Pedro”Shon Pe” Krozendijk y di e elegante Sra. Filomena Croes. Un famia bendiciona pues cu a y ta duna Aruba di nan capacidadnan profesional cu amor. Rory dfm tawata gusta bay pasa ratonan agradabel cu su amigo y amiganan na e happy hournan di Djiespies ariba Diabierna. Ela wanta duro te na ultimo, pero a accepta e yamada di su Creador di amor y a bay sosega hunto cu su bunita sra.esposa Lucy. Nos condolencia, consuelo y hopi amor na lieve mooie Aby, na demas famianan, amigonan tur. Un “bearhug” grandi di Lady Ruth !!!
