Un bon dia yen di sabiduria den nos alegria ! Sea semper contento ! Mientras nos ta en espera di e invitacion di Klachtencommisssie di Horacio Oduber Hospital, pa un asina yama Hoorzitting, nos dianan ta sigui cana den un bon y bunita direccion cu hopi bunita recuerdo di nos mayornan, ambos awe dfm. No matter cu un of mas persona di nan cu un of otro funcion den e Klachtencommissie ta purba di bin cu algun contratiempo, purba di hunga cu nos sintimentonan pero nos curason ta na paz y trankilidad. Mi no sa di e persona ey si esey ta su caso.
E ta parsemi un crenchi bruha y unprofesional. Nan tambe lo no lubida e nomber di mi mama como patient den e luna di Oktober 2025 hamas. Mi mama su nomber ta wordo menciona serca nan hopi ultimamente te cu nan ta bruha den nan cartanan manda pa mi persona. Manera ta bisa na hulandes : Waar het hart van vol is loopt de mond van over ‘Naturalmente nos lagrimanan ta presenta regularmente, corda shonnan, no ta algo chikito pa wordo neglisha como patient den hospital, ora bo ta grandi di edad. Y no ta responsabel ni humano pa wordo pusha den bo morto pa via di negligensha medico y falta di atencion. Mi tata a fayece di duele cu su pareha di 72 anja casa a sali mas malo cu ela drenta hospital, y a bay mas o menos dos siman despues cu nos mama a fayece. Nos mama a fayece 14 Oktober y nos Papa dia 1 di November. Nos a wordo aserca pa varios hende cu kier para hunto cu Lady Ruth den entama un caso contra esnan cu a faya y hiba esaki den Tuchtcollege medico y corte pidi danjo di perhuicio pa mi mama awe dfm pa via di negligensha den nos hospital, caminda bo ta drenta pa sali mihor di salud y no mas malo. Podise bo ta pensa cu Lady Ruth no ta den rouw proces pa motibo cu su atencion ta na locual tin cu ser hasi pa trese cambio den trato di nos grandinan. Un straf pa e dokter y specialista cu a faya of placa no lo trese mi bunita y dushi mama ni tata bek na bida. Nos kier pa pueblo ta na altura di cosnan cu ta pasa den e mundo medico den hospital, como un spiertamento cu esaki no por, no mag sosode. Berdad dokter ta hende na prome lugar y despues dokter. Y no ta tur tin e dedicacion y of yamada pa ser dokter pero ta gusta e titulo, e status, e jas blanco pa tin autoridad riba bida di otro y sinti nan mes un dios ? Of ta e salario te cos ? Anto ta e zuster y broedernan tin cu hanja e salario ey, ta nan ta hasi tur cos cu opdrachtennan cu nan ta ricibi fei distancia, como sifuera ta e dokternan AI artificial intelligence. E dokternan envolvi no a bin wak e patient mes te cu e ultimo dia prome cu bay cas. Nos lo por bira emocional den nan Hoorzitting, y e Poeta den mi lo por sali padilanti tambe, ta hende nos ta, cu sintimento y emocion. No tuma nos na malo, no ta tur dokter ta dokter di ganja ganja, nos tin bon dokternan tambe. Lady Ruth a hasta dedica un poema bunita na algun di nan recientemente. Bida ta precioso y tin cu wordo respeta. Bida ta un regalo di Dios, Dios ta duna, Dios ta tuma y no un zaalarts of specialista cu ta duna ordo pa sigui yena e patient numa cu infuus y glucose cu e sucu bahando y bahando te bao 0 cu e machien di midi sucu no ta ni mustra e number mas. Zr cu a perde cabes wardando riba ordo di dokter cu ta mucho “druk”. Ami e sugeri e zr pa pone sucu den mi mama su boca, aunke e no por a guli bon mas, di tanto dia sin dunele algo di come y bebe pasobra dokter no a bin wak mi mama. Nos tawatatei tur dia ora di bishita. Nos a combersa cu zuster y broedernan, comunica cu nan, puntra si dokter a pasa y e contesta ta no. Nos por corda cla cla cu tawatatin un turista den hospital mesun kamber cu si a hanja bishita di e specialista y despues un persona di accounting pa puntra con e turista ta bay paga su bill. Nos a wordo aserca pa varios hende cu a pasa den cosnan di negligensha tambe, locual ta dunami mas forsa pa trese tur esakinan padilanti. Si algo wordo of no wordo hasi, ta keda na cada consenshi y curason. Nos ta pidi solamente un carta den cual nan ta pidi pordon na tur nos grandinan cu nan a schrijf af prome cu nan tempo, cu nan ta bisa cu lo traha y percura pa cosnan asina ki no pasa mas. No ta tur hende ta usa y of comprende e palabra pordon. Y vooral si tin curason friuw di piedra. Pero, at least Lady Ruth lo papia y ripiti pa nan tende, locual ta pone den carta di keho y formularionan yena. Mi no a bay na niun radio y prensa cu esaki, ta den mi relato semanal ta expresa den libertad di expresion. No ta exclui cu esaki no por sosode ainda. Nos ta transparente den nos sintimentonan expresa y ta para tras di e locual ela tende y mira, facts cu por a wordo cambia den nan rapportnan, segun atrobe, cada consenshi. Nos curason tin duele , nos ta na luto ketobay, pero cu e alegria di cu nos mayornan di 89 y 93 anja di edad, ta na paz serca Dios. Lady Ruth ta stima nos grandinan y regularmente ta bay conta nan storia, canta y recita poema pa nan den Paviljoen serca su amiga colega poeta Ivy . Ruthy ta manda un brasa pa tur su amiganan grandi di edad, Mona, Elena, Elda y tur demas cu e no ta corda tur e nombernan , pero si e caranan y curason bunita .
Danki Solange di AZV pa a comparti bo storia como un bunita testimonio cu Lady Ruth.
