Shonnan tur :”BON ANJA “! Cu 2026 colma di salud, alegria, sabiduria y bon beis tur dia !
Mientras nos ta ketobay fiestando, awor cu actividadnan carnavalesco , nos pensamento ta cu nos bisinjanan di pazuid den nan situacion fastioso y doloroso. Pa hopi kizas ta anunciando bon y mihor temponan atrobe ayabandanan. Nos tambe a sigui e noticianan den fin di siman encuanto kiko tur a pasa, na varios di e canalnan di televishon mericano y awor mundo henter wardando riba e desaroyonan cu tin cu sigi tuma lugar. E Poeta den mi, Lady Ruth, a skirbi algo riba melodianan di su curason atrobe, manera ta su custumber, di comparti di su inspiracion cu su pueblo lector cu hopi amor y carino. Esaki ta nos prome relato semanal den Januari 2026. Di curason nos ta spera cu e cambio di anja a bay bo bon y cu e lo sigi bon cu lesnan y experiencianan nobo pa cada un di nos. Danki na tur cu a manda Lady Ruth bon deseonan riba wassap, facebook, na telefoon y personalmente ! Danki y tur bon deseo igualmente pa boso tur !
Danki pa lesa nos relato cu atencion y pasa un bon dia yen di sabiduria den nos alegria ! Dios mediante nos lo por continua skirbi nos relato durante henter 2026 tambe si salud ta permiti naturalmente ! Danki na Bon Dios pa cada bendicion cu e lo sigi manda pa cada un di nos ! Na Su Nomber Gloria !
PENSAMENTO PA PENSA
Tin pensamento cu cada pais mes mester soluciona su problemanan
Cu nan tin e gobierno cu nan merece y biba cu ne
Bida complica cu hende na poder di dicta y manda
Den tur sorto di organisacion of instancia manera den nacionnan uni cu mentenan tribi
Esnan na cabes di organisacionan of fundacionan no ta responsabel tur ora y por faya,
Foi comienso di mundo tawatatin discusion pleito y guerra den famia y entre nacionnan pa tereno pa religion y Dios sa pa kico mas, stroba paz den hopi curason y den cas
Di hopi cu tambe kier mas?
Pakico mete den otro famia den otro cas den otro pais
Cada nacion cu nan mesun raiz, di competencia pa cos
Pa mihor arma, mihor bom
Mihor remedi, mihor petroleo, mihor kico ?
Ki tristo ta cada nacion su Dios, dicon pueblo y of mandatarionan asina golos ?
Mundo por sigi celebra Pascu y e paz cu nunca mas lo bini ?
Profetanan y Poetanan por sigi skirbi cu ink termina den sanger , tocante e orguyo cu no tin fin ?
Mentenan mahos cu decisionnan malo tuma
Balansa cu mentenan bunita yen di amor pa bida
Pa e cachonan cu ta hanjando mas bon cuido y atencion, di con ?
Cacho ta comprende hende
Hende no ta comprende cacho tambe ta un pensamento cu ta bula den biento. Vibracion stranjo den aire, rosea pisa di jaluzie of rabia of disgusto
Causa mas dolor cu susto
Mundo yegando su fin ?
Kico falta, kico tin ?
Tur ta papia di prohimo ruman, pa un mihor mayan
Pero ta ofrece un pida pan ?
Danki Dios pa nos madre patria Hulanda cu ta yuda sostene y inspira nos
Laga nos tin nos mesun bos den expresa nos pensamento tur momento
Yuda nos islanan ABC
financieramente fielmente
Tawata algo chikito di Lady Ruth, algo di su curason y su mente den un intento di su pensamento contento.
Cu un oracion na mente pa nacionnan cu comportacionnan diferente.
