Nos ta felicita Aruba cu nos Dia Nacional 18 di Maart 2025. Podise ora e relato aki sali ya e dia grandi aki ta tray lomba. Ban bek un rato na e anochi di Poeta di Patria cu a tuma lugar den Fort Zoutman. Lady Ruth no por a bay participa personalmente, pa motibo di un kebrante di salud, pero a pidi su amiga colega lider scout e carismatico y elegante Marcia Dirks recita e poema cu Lady Ruth a skirbi titula “ Dushi ponche crema di Aruba”, mientras cu Marcia mes a participa cu su fantastico poema “Dos plaka di palabra”. Nos a wak e competencianan na cas riba television y for di e angulo ey a sinti cu algun poema mas cu otro. Tur ta expresionnan poetico diferente y nos a puntra nos mes ta kico ta e criterianan pa escoge e poema ganador.
Un team ta scoge e contenido y e otro team di jurado ta scoge e presentacion, vos, accento ,actuacion etc. Y despues ta conta e puntonan hunto ? Nos a tende cu hendenan den publico a comenta cu e palabra “ Atrobe”, ora e ganador maximo a wordo anuncia. Nada personal contra ningun hende. Por algo sera cu ela bolbe gana ? Nos no kier trapa riba teenchi di ningun hende ni e comishon organisador ni e juradonan,ni e ganadornan, pero e poema ey y algun otro a cansa mi. Pa ora mi a tende un parti y purba di digest, a sigui un otro parti manera ripiticion di e estilo cu ya a gana varios biaha.
Nos a comprende fei un di e personanan cu tawata jurado e anochi aki, pero ya fei algun anja atras, cu ta un competencia pues tur hende , ken cu ta por bin participa cuanto biaha cu e kier. Nos ta pensa, si ba gana 2 of mas biaha caba, sigui participa como un boluntario estilo guest star, bo ta stima Aruba henter anja toch ? ya otro poetanan tambe por bin na remarke pa gana maske ta un di e puestonan un biaha .
Nos tambe a puntra nos mes na cas “ atrobe e mesun persona ta gana ?” Ta su estilo so ta bal of otronan no kier tende poemanan cu berdadnan den nan ? Por ta den forma di protesta pero cu contenido cu ta inspira ?.Podise tin cu ta den “denial” y no kier wak cos manera nan ta, pero ta prefera di sigui sonja ? Nos ta para banda di mi dos amiganan lider scout cu ta custumbra di” zet door onder alle omstandigheden”. pero a cuminsa fada y cansa y ta nos tur sa awor di antemano cu ta un Poeta Patria so ta hanja e oportunidad cu su poema pa gana. Enbes di engrandece e competencianan ta atras e ta bay, a menos cu nan cuminsa propaganda na scolnan secundario pa hobennan bin expresa nan amor pa Aruba, sin sa ni mes kiko ta un warawara of un doria. Naaaah.e no ta fun mas. Juradonan cu no por pone nan mes den e simplicidad amoroso di e poema di varios poeta y ta scoge cada ves pa esun cu mas palabranan cu hopi ripiticion ofzo ? Anto tin cu pasa pa “Poeta di buki di Aruba ?
Tawatatin e poema fantastico di Marcia Dirks “Dos plaka di palabra” y di Ariana Koolman Chirino cu tambe a inspira un tremendo bon y bunita poema “Aruba mi forsa”. Tur dos cu un tremendo bunita mensahe cu ta berdad. Nos a sinti cu e dosnan ey lo ta den e top 3, pero nada…….atrobe. Nos a comprende cu e publico no tawata asina grandi, y nos por a wak regalonan bunita wordo entrega na e juradonan, mientras e poetanan participante ta hanja un certificado den un lijshie cu ta habri los kita cay den otro ora bo colge den bo gang of den bo studie hoekje. Nos a yega di propone pa duna cada participante un voucher pa dinner for two na un bon restaurant of un weekend stay den un di nos hotelnan ,pa e participantenan bini hunto y intercambia di ideanan y palabranan poetico, como aprecio di berdad pa nan inspiracion unico. Naaah, no cada ken den un kamber, pero 4 damas den un kamber etc. estilo studententijd ofzo.
Duna mas respet y mas balor na tur Poeta, nos merece despues di ta cargando e competencianan aki ya pa varios anja. Ta competencianan asina ki Atan Lee dfm tawata desea pa pueblo hanja tur biaha e mesun ganador ? Hopi saai y laf mes ! Enfin, mi “dos plaka di palabra” encuanto Poeta di Patria. Hasta via mi cellular mi a ricibi e palabra “ Atrobe ?” E mesun atrobe ?
Un poema prosa no mester tin 20 mil palabra pa expresa amor, den 10 of 20 por anto mihor cu mas profundidad den sintimento expresa. Pakico no invita e ganadornan maximo como “ Guest Poets”, pues Poetanan invita ? Principalmente esnan cu a gana mas cu 2 biaha . Ta manera e Oscarnan na Merca, hahahaha , tur ta wordo nomina pa participa pero ta un of dos so ta sigui gana, hahahahah! Aynoooo mi Aruba, bo por mihor !!!Nos tambe ta bay tuma pauze anto , e no ta “fun”mas, pasobra, mi a sinti como Poeta colega pa varios di nan cu a merece sali den e top 3 nan,y no a sali. Mi sa kico ta bebe y come di un poema di un Poeta. Nos ta termina nos relato felicitando e 5 ganadornan di Poeta di Patria 2025 , specialmente amigo Dominico Werleman cu a presenta un bunita poema y John Fredy cu a bin cu un super bunita poema atrobe, pero pueblo ta desea un otro Poeta di Patria, nan a fada di e mesun cu su mesun estilo tur ora. Pabien na tur e fiel participantenan cu nunca a yega na beurt pa luci como Poeta di Patria cu nan bunita poema. Comision lo tin miedo cu sin Jhon Fredy no tin Poeta Patria ? No ta e so ta stima su di dos cas Aruba, tur ta stima nan pais Aruba. Enfin, un crenchi locual ta biba den pueblo cu a desea di wak un otro Poeta di Patria cu un otro sorto di poema. Talbes hopi ta biba den un fantasia ainda ? No ta un estilo di expresa tin, tin hopi mas ! Y Lady Ruth a caba di expresa un disgusto, di un pueblo disapunta den con e cos a bay ….atrobe !
Nos ta skirbi pa pueblo y nos lo sigui skirbi pa pueblo, no mester di titulo pa wordo stima y aprecia pa nos dushi pueblo, especialmente pa nos grandinan. Na mi amiganan colega Poeta Marcia y Ariana :” You are awesome ! Boso ta master den boso expresion poetico ! Danki pa a regala Aruba boso bunita poema unico den su estilo.! Na pueblo lector : Danki pa lesa y danki pa e comprension, nos no ta “Jalurs”! Not at all ! No comprende nos fout nos relato di critica constructivo. Pueblo ta preocupa si e competencianan lo keda existi den futuro .
