Ateliers ’89, Punto di Beyas Artes na Aruba, ta presenta un workshop di fotografia nobo, specialmente pa principiante, bou direccion di e artista maestro Alexis Tromp. Esaki ta un oportunidad unico pa saca bo fotografo interior, siña mira mundo den un otro luz y conta bo propio storia tras di camara!
E tayer, titula “Unleash Your Inner Photographer,” ta enfoca riba diberticion y creacion. Lo bo explora tecnicanan practico y entretenido pa mehora bo habilidadnan di composicion, iluminacion y edicion, sea cu bo ta uza un telefon of camara. Alexis Tromp, Director Creativo cu un pasion pa videografia, fotografia, diseño grafico y animacion, lo comparti tipnan y tracknan valioso pa yuda bo descubri bo estilo fotografico unico y expresa bo mes via e arte aki.
E workshop ta cuminsa dialuna 28 di juli y lo culmina cu un exposicion di e obranan cu a wordo crea durante e tayer riba diahuebs 21 di augustus. E sesionnan lo tuma luga riba dialuna, diamars y diahuebs, di 6:30 PM pa 9:30 PM, pa un luna largo.
Detaye di inscripcion:
- Edad: 12 aña bay ariba.
- Pa inscribi: Manda un e-mail na elvis@ateliers89.org of bishita nan website www.ateliers89.org.
- Tambe por yama: 565-4613 òf 588-776.
No perde e chens fantastico aki pa uni cu nos na Ateliers ’89, pasa momentonan agradabel, y sumergi bo mes den e mundo maraviyoso di fotografia!
