No tin ningun otro nomber den cual un hende por wordo salba, pasobra solamente Cristo Hesus ta e caminda, e berdad y bida, ningun hende no por yega serca e Tata sino ta pa medio di e yiu.
Pasobra Dios a stima mundo asina tanto, cu E a duna Su Yiu unigenito , pa ken cu kere den dje no bay perdi ma tin bida eterno.( Juan 3:16).
Esun cu kere den dj’E no ta condena, esun cu no kere ta condena caba, pasobra e no a kere den e nomber di e Yiu unigenito di Dios.( Juan 3:18).
Esun cu kere den e Yiu tin bida eterno,ma esun cu no obedece e Yiu lo no mira bida, ma e furia di Dios ta keda riba dje. ( Juan 3:36).
Mescos cu CrIsto Hesus por a cambia awa den binja, e por cambia bida di tur esnan cu ta kere den dje, no ta importa ken bo ta, ni tampoco di unda cu bo ta bini, no ta importa rasa of cultura, tur cu kere den dj’E ta wordo salba.
E keda proba cu rico y pober, criminal, adultero,homosexual, lesbiana, pedofiel,abusador, violado, matado, corupto, den un palabra bisa tur cu kere den Cristo Hesus ta wordo salba y ricibi bida eterna den Cristo Hesus, pasobra Cristo Hesus a muri na crus pa pordon di nos picanan.
Diabel tin hopi hende ganja,tocante di nan condicion di bida, pa asina nan sigi den maldad, inmoralidad, y malicia y no wak riba e poder di salbacion y liberacion cu tin den Cristo Hesus.pa asina e mantene nan den e gara di scuridad cu ta hiba hende morto eterno den fierno.
Tur loke e Tata duna Mi lo bin serca Mi, y esun cu bin serca Mi, sigur, sigur lo Mi no tire afo.( Juan 6:37)
Tin hopi hende ta pensa, cu nan ta asina malo, nan a haci hopi cos fastioso, cu no tin pordon pa nan, esey ta e idea cu e enemigo ta hinca den cabes di hende pasobra e diabel a bini pa solamente pa horta pa mata y pa destrui, Pero den Cristo Hesus nos tin salbacion y bida eterna, E ta duna bida na abundancia , E ta e pan di bida.
Tur hende a peca y ta falta e gracia di Dios, pero esey no ta nifica cu nos tin di keda den mesun situacion, si nos kere den Cristo Hesus nos lo tin salbacion y bida eterna, esey ta para scirbi, y esey ta bini di e Tata cu ta den cielo, Kende den dj’E no tin scuridad ni tampoco sombra di cambio.
Corda bon cu Cristo Hesus a bisa: Bin serca Mi tur esnan cu ta cansa y carga y lo Mi duna boso sosiego.
Y awe nos por reconoce cu sosiego ta den Cristo Hesus, na kende tur autoridad a wordo duna door di eTata.
E ta sinta na man drechi di E Tata y cu tur rudia lo dobla y tur lenga mester confesa cu Cristo ta Senjor pa gloria di Dios Tata.
E ora ey Hesus a bisa su disipelnan, Si un hende kier bini Mi tras, laga e ninga su mes, tuma su crus y sigi Mi, pasobra ken cu kier salba su bida, lo perd’e , ma ken cu perde su bida pa Mi causa lo hanje.Pasobra ki probecho un hende tin si e gana henter e mundo, ma perde su alma?( Mateo 16-24-25).
Solamente den Cristo Hesus nos tin salbacion y bida eterna, Cristo ta nos Salbador y nos Redentor.
Sinceramente, Pastor Marcel Balootje
