Recientemente AVB su presidente Sr. Lacle a wordo geschors door di e directiva di AVB pa un debe di belasting cu lo tabata habri y cu ya FIFA lo of a manda placa pa regla e debe aki caba. Manera ta conoci AVB no tin placa y ta depende riba FIFA pa mantene e deporte di futbol cabes riba awa na Aruba. E directiva, e trahadonan y e presidente ta wordo paga pa FIFA tur luna. Mesora cu FIFA a wordo poni na altura di local a sosode, a pidi di inmediatamente un reunion cu e Presidente y e bestuur.
Ayera durante dia FIFA a reuni y a dirigi un reunion cu e Presidente y e bestuur. Durante e reunion lo a keda palabra cu e schorsing ta ilegal y cu esaki mester wordo revoca mesora pa e bestuur. Pasobra e asunto di belasting nan ta na altura y nan ta page. Tambe FIFA a pidi pa awe diahuebs durante un reunion cu tur club na Aruba, pa pasa un Statuut nobo si no, lo tin consecuencia pa e deporte aki na Aruba.
Segun informe nan cu ta circula y cu a yega na nos, ta bisa cu si no revoca e schorsing y no cambia asap e statuut, lo tin consecuencianan serio pa e deporte y AVB. E kraanchi financiero, lo por of ta wordo cera y futbol na Aruba tranca. Esaki ta incluyendo paramento di salario di tur hende cu ta traha pa y na AVB. Algo similar a pasa cu e federacion di futbol di Korsou FFK, augustus anja pasa y FIFA mester a actua cu man duro pa por a restablece ordo.
Un otro informe cu den e mundo di futbal na Aruba ta circulando ta cu e directiva lo a nenga di saca e carta pa prensa y pa e teamnan,manera lo a wordo palabra cu FIFA, esaki segun nos fuente nan ta hungando cu candela y poniendo e deporte di futbal na Aruba den peliger. E ta bon cla cu no tin nada valido pa a schors e Presidente, segun cu nos por a capta den e mundo di futbal na Aruba, varios persona ta comenta cu E por ta un wega pa no pasa e statuut nobo y stroba e elecion aki 45 dia??
