Dios ta haci tur locual E a bisa cu E ta haci.( Job 42:2).
Dios no ta ganja.
Dios no ta cambia su mente.
Dios ta lus y den dj’E no tin nada, nada di scuridad.( 1 Juan 1:5).
Esun cu bisa cu e ta den lus y sinembargo ta odia su ruman ta den scuridad te ainda.( 1 Juan 2:9).
Ken cu ta odia su ruman ta un matado, y boso sa cu ningun matado, no tin bida eterno ta permanece den dje.( 1 Juan 3;15).
E fieldad cu nos debe na Dios ta algo grandi, pasobra cosnan grandi Dios a haci pa nos tur, E a duna su unico Yiu pa ken cu kere den dj’E no bay perdi ma tin bida eterna.
Ta solamente di Dios nos ta depende diariamente, pasobra Dios ta esun cu ta donjo di nos bida, y donjo di nos rosea, ningun hende por biba sin Dios, y esey tur hende tin cu bira consciente di dje .
Ora hende no kier reconoce Dios, Dios mes ta encarga cu nan, pasobra ningun hende no ta haci bofon di Dios y tur locual hende sembra nan lo cosecha, esey semper lo ta e realidad di bida. Tene bon centa cu Romanonan 1:18-32.
Pasobra tur hende kier tende di e parti bunita di Dios, caminda milager ta tuma lugar, caminda hende ta canta alabansa y dansa den presencia di Dios, pero ningun kier tende cu Dios ta coregi y disiplina y na final Su furia lo baha riba esnan cu no kier a tende, y a rechasa Su palabra.( Romanonan 2:5-8),
Pesey ta para scirbi den Juan 3:36 ; esun cu kere den e Yiu tin bida eterno, ma esun cu no obedece e Yiu lo no mira bida, ma e furia di Dios ta keda riba dje.
Esakinan no ta cos cu hende por haci wega cune, pero aki nos tur ta mira e firmesa di Dios, y aki ta tambe nos tin cu tuma na cuenta con firme y fiel nos mester ta den Cristo Hesus.
Laga nos tene firme na e confecion di nos speransa sin basila, pasobra Esun cu a primiti ta fiel.( Hebreonan 10:23).
Y no participa den obranan infructifero di scuridad, sino mas bien expone nan, pasobra ta berguensa hasta di papia di e cosnan cu nan ta haci den secreto.
Nos sa cu nos ta di Dios,y henter e mundo ta bao di control di e malbado, Y nos sa cu e Yiu di Dios a bini y a duna nos comprondemento,pa nos conoce Esun cu ta berdadero,y nos ta den Esun cu ta berdadero, den Su Yiu Hesus Cristo,Esaki ta e Dios berdadero y bida eterno.( 1 Juan 5;19-20).
Pesey ta tristo pa mira cuanto hende ta sostene creencia falso, idolatria, y bruheria, na tur nivel, pasobra hasta caminda bo ta kere cu maldad no ta, maldad a drenta y ta purba goberna esnan cu no conoce Dios, of esnan cu ta rebelde contra e palabra di Dios, esnan cu kier complace cu tur cos basta e ta na nan beneficio.
Tur caminda e diablo ta busca pa causa division, pesey nos mester somete nos mes cada dia mas na Dios, pa asina nos por resisti tu e trampanan di diabel, especialmente esnan di desobedencia na e palabra di Dios, cu ta causa caida y perdidad den bida.
E palabra di Dios ta bisa lo siguiente; Ma boso rumannan stima, edifica boso mes den e santisimo fe, haciendo oracion den Spirito Santo.( Judas 1:20).
Ta e momento pa nos ta fiel y firme.
Sinceramente,Pastor Marcel Balootje
