E palabra di Dios ta bisa den Romanonan 3:22-23: Esta e husticia di Dios. Pa medio di Fe den Hesus Cristo,pa tur esnan cu ta kere, pasobra no tin distincion.Pasobra tur a peca y ta falta e Gloria di Dios.
Laga nos realisa cu Dios a stima mundo asina tanto cu e a duna su Yiu unigenito pa ken cu kere den dj’E no bay perdi , ma tin bida eterna.
No ta existi mitar salbacion, no ta existi salbacion manera ami kier, no ta existi salbacion sin arepentimento, confesion y pordon di pica.
Salbacion ta igual pa tur hende , mescos cu morto ta igual pa tur hende.( Hebreonan 9:27-28).
Wak cuanto gera tin rond mundo, pero laga nos realisa cu ningun hende ta ganando.
Ta matamento di hende tin tur dia, Hesus a bisa nacion contra nacion y reino contra reino.
E grandinan ta sinta den nan oficina y palacio y ta manda e chikitonan bay muri.
Militar ta bay bringa den gera, pero no ta tur gera ta militar,
Tin gera economico,
Tin gera politico,
Tin gera religioso,
Tin gera di rabia y vengansa caminda un pais ta dicidi cu e otro pais no tin derechi di existi.
Wak bon e gera na Medio Oriente ( Israel contra otro paisnan) cu tin mas cu 4000 anja di duracion, wak bon ken ta ganando?
E gera entre Rusia y Ucrania ken ta Ganando?
E gera pa maneho di petroli rond mundo ken ta ganando?
Tur e paisnan caminda nan mes ta bringa y mata, y sera otro tur dia, e grupo di gueriya, ken ta ganando?
E gera di narcotrafico cu ta matando miyones di hende rond mundo ken ta ganando?
Pero tambe nos tin e gera di Reino contra reino, cual ta e gera di e Reino di Dios, contra e reino di satanas y su demonjonan, cual ta esnan culpabel di tur e otro gera ariba menciona.
Esey ta e gera di scuridad contra lus.Inmoralidad y abominacion contra temor di Dios y Santidad.
Nos ta sirbi un bon Dios kende ta consciente cu si e no a manda Su unico Yiu como nos Salbador nos tur lo ta bay perdi, pasobra e plan di diabel ta pa destrui humanidad.(Juan 10:10).
Esun cu kere den nos Senjor Hesus Cristo lo ta salba , pero esun cu no kere lo ta condena, pasobra e no a kere den e Yiu unigenito di Dios.( Juan 3:18-19).
Ta para scirbi den 2 Pedro 3:7 bisando: Ma e cielonan y tera actual, pa medio di Su palabra, ta wordo reserva pa candela, warda pa e dia di huicio,y destruccion di hende impio.
Mateo 10:32-33 ta para scirbi:Pesey Ken cu confesa Mi, dilanti di hende,esey lo Mi confesa dilanti di Mi Tata cu ta den cielo.Ma ken cu ninga Mi dilanti di hende, esey Mi tambe lo nenga dilanti di Mi Tata cu ta den cielo.
Juan 3:36 ta para scirbi: Esun cu kere den e Yiu lo tin bida eterno, ma esun cu no obedece e Yiu lo no tin bida,ma e furia di Dios ta keda riba dje.
Dios no kier pa ningun hende bay perdi, e enemigo di nos alma ta busca tur manera pa wanta hende den scuridad pa asina nan cay den perdicion.
Pasobra esun cu no ta kere den Cristo Hesus y no ta biba pa Cristo Hesus no ta salba, esey ta e palabra di Dios ta bisa, y no palabra di hende , ni tampoco di ningun religion. ( revelacion 20:15) y no lubida riba Romanonan 10:9-10).
Salbacion ta den CrIsto Hesus.
.
Sinceramente, Pastor Marcel Balootje
