Secretario General di MEP ta splica cu porfin e caso di Benny Sevinger di AVP lo ta dilanti mesa berde luna di september proximo. Desde Februari 2018 un keho oficial cu hopi prueba palpable a wordo entrega contra Benny Sevinger number 2 riba lista di AVP na Ministerio Publico. Dia 1 di october 2019 Ministerio Publico hunto cu Landsrecherche , RST y un ekipo grandi a lanta Benny Sevinger 6am for di soño y a haci un “huisonderzoek” unda a bay cu basta caha di documento. Dia 13 di januari 2021 Ministerio Publico a regresa residencia di Benny pa un di dos “huisonderzoek”. Entre otro Benny Sevinger y su miho amiga Leoncita di canal 90 ta entre esnan cu a ricibi bishita tempran den e caso di corupcion di mas grandi den historia. A sopresa ambos uno den pyjama y otro den babydoll. Tur cos ta mustra cu e “gang Berde Dimes” di AVP a horta nos pais malamente den negoshinan miyonario cu tereno esta patrimonio di pueblo.
Benny Sevinger sospechoso principal cu 5 encargo hopi pisa:
Ministerio Publico ta acusando Benny di 1. Valsheid in geschrifte ( Falsificasion), 2. Oplichting ( Estafa), 3. Misbruik van Functie ( Maluso di poder), 4. Het aannemen van steekpenningen( aldan niet handelen instrijd met zijn plicht) acepta Soborno, 5. Opzettelijk gewoonte witwassen ( Deliberadamente y a proposito laba placa).
Benny a paga su fiesta di su birthday cu placa di Avestruz:
Di acuerdo cu Ministerio Publico: In ruil voor giften werden aanvragen voor overheidsterreinen “VERVALST”. Zo werd de verbouwing van het huis van Benny Sevinger en zijn VERJAARDAGSFEEST in het Holiday Inn betaald en kocht hij via een stichting vliegtickets. Tin masha hopi NV’s ta wordo menciona den e caso aki. Manera Deshaun, Milero Investment, Island Estates, Zenwave y Pristine Estates NV, Damira, Lizner pa nombra algun pa pueblo por cuminsa compronde e magnitud di e corupcion y mafia di Benny Sevinger, Mike Eman y AVP.
Fundacion Curason Berde di Benny Sevinger:
Fundacion di campaña di Benny esta “Fundacion Curason Berde” cual Fundacion Benny tabata usa pa genera placa pa e por core campaña miyonario na 2009, 2013 y 2017 tambe ta invulcra den caso Avestruz pa laba e placa y corectamente Ministerio Publico a ilustra con esaki a wordo malusa y cumpra cu fabornan a cambio. Caso Avestruz ta un caso hopi grandi cual a produci un total di 22000 pagina di corupcion y september proximo Benny lo bay ta un “toontjie lager” of missing in action den Parlamento pa cuminsa prepara su mes pa KIA.
Golden Rain Private Foundation Orco Bank na Corsow cu un suma confirma di 1.329,711 US Dollar (2.4 miyon florin) tambe ta menciona den e caso aki gelink pata pata cu Benny. Benny supuestamente a usa negoshi di amigonan pa warda e placa. Asina tin hopi mas.
Ministerio Publico: Benny mester paga minimo 1 miyon bek:
Di acuerdo cu Ministerio Publico Benny lo a ricibi hopi mas placa pero hopi a wordo paga via structuranan dificil pa nan por trace bek. Por ehempel un contratista lo a paga via su cuenta na Colombia na famianan. Otro a haci pagonan na amigonan na Panama, Curaçao, Sint Maarten y Miami. Pues un caso grandi di mafia y corupcion di AVP cu a tuma tempo pa por a wordo desmantela y ta den corte september proximo. Di acuerdo cu documentonan di OM por a prueba pa cobra Benny bek te awor un total di 914 mil florin. Esaki lo bira trabou di afpak Team. E cobransa ta los di e castigo di prison cu Benny lo haña. Ora lesa e caso aki como cuidadano ta yena nos cu hopi duele. Ta kico por a pasa den Mike Eman, Benny Sevinger y AVP nan cabes pa desgracia e pais aki na e manera aki. Un cos ta sigur desde september tur e fechorianan aki lo cuminsa bira publico manera Corte cuminsa trata e caso. AVP ta bay den historia como e Universidad di Corupcion. Hamas pero hamas pueblo por confia AVP cu un voto. E molina a cuminsa draai.
