Awendia, ta hopi hendenan inocente, ta laga nan marka diferente tatuahenan riba nan curpa. No ta pasobra cu tin hendenan ta haci esey, pero bo mester comprende bon, cu no ta tur loke bo haci ta bon den bista di Dios. Den Bijbel ta bisa bon cla, cu Dios no ta acepta y ni aproba markamento di tatuahenan riba curpa. Den Bijbel Levitico 19:28, Dios Tata ta bisa bon cla: “No haci cortanan ariba boso curpa pa e mortonan y ni marka boso curpa cu tatuahenan.” Dios ta stima nos tur, pero Dios kier pa nos reconoce nos errornan di nos mal decisionnan y di e consecuencianan cu ta bini. Hopi di e tatuahenan tin caranan diabolico, cara di cadaver, simbolonan diabolico, tatuahenan bulgar etc.. Tur e cosnan aki, ta perhudica e spirito di e persona. Otronan tin tatuahenan di flornan, caranan inocente of di obhetonan stranjo, pero e compromisonan haci pa e tatuahenan aki, ta un pika y un ofensa contra di Dios Tata. Den Bijbel Deuteronomio 14:1, Dios Tata ta bisa bon cla: “Yave, Dios di bosonan tin boso pa Su yiunan. No marka boso curpa y ni corta boso cabey na frenta pa un morto.” Akinan Dios Tata ta prohibi totalmente, di marka boso curpa cu tatuahenan. Tatuahenan, cortanan riba curpa y feita cabes pelon, tin nan origen diabolico den raisnan den bruheria, den ocultismo, di Sodoma y den sectanan satanico. Hopi hende no ta realisa, cu e tatuahenan ariba curpa por habri e porta pa influencianan diabolico den nan bida. Den Bijbel Revelacionnan 13:16 y 17: “ E diabel lo haci cu tur hende, grandinan y chikitonan, rikonan y pobernan, libernan y esclavonan haya e marka na nan man drechi of riba nan frenta. Ya cu ningun hende no por cumpra y ni bende, si e no ta marka cu e nomber di e bestia of cu e numbernan di su nomber.” Esaki ta esnan cu ta marka tatuahenan den simbolo satanico, e number 666 y tambe e number satanico den micro-chip den man y riba frenta. Esnan cu ta den organisacion satanico ta haya e number 666 den micro-chip. Esaki kiermeen, cu nan alma ta cumpra pa satanas. Hopi hendenan lo lamenta y nan lo haya duele, cu nan a escohe pa pone tatuahenan y micro-chip riba nan curpa.
Cristo-Hesus ta adverti nos, den Bijbel 1 Corintionan 6: 19 y 20: “Boso no sabi cu boso curpa ta tempel di Spirito Santo? Dios a duna boso Spirito Santo y Spirito Santo ta biba den boso. Boso no ta di boso mes. Dios a cumpra boso y e prijs ta paga! Usa boso curpa anto pa glorifica Dios.” Tur esnan cu a marka nan curpa cu tatuahenan inconciente den nan bida y nan tin duele di a haciele, anto nan mester haci un reconciliacion cu Dios pa medio di e Sacramento di Reconciliacion.
Pasobra tur hende cu a marka nan curpa cu tatuahenan concientemente cu ta prohibi pa Dios, anto despues di morto nan alma lo no drenta den e Reino di Dios, nan alma lo bay den purgatorio, pa nan ser purifica di tur nan manchanan di desobedencia. Despues cu e debenan ta paga, nan alma lo drenta den e Reino di Dios.
Pero pa esnan cu tin tatuahe 666 y e micro-chip den nan curpa, nan lo no drenta den e Reino di Dios, nan destino lo ta den fierno, pasobra nan alma ta cumpra pa satanas.
Un mensahero di Dios.
Please pa publika
Di antemano masha danki.
