Ley di entidad CHE (Caribish Hervormingsentiteit) ta bisa:
Tur Hulandes Europeo cu wordo manda pa bin traha na Aruba, ta haya permiso automatico pa trece yiunan, esposo/a, partner, sin ningun restriccion
Den e ley di entidad, den articulo 13, tin un parti dedica na “toelating”. Den e parti aki, Gobierno di Hulanda kier asegura un entrada liber pa tur Hulandes Europeo cu mester bini Aruba pa haci nan trabao. Manera ta skirbi den e landspakket, ta riba varios area lo mester institui comicionnan unda Hulandesnan lo mester bini Aruba pa asina haci un monton di investigacion riba tur nivel y sector. Den un calculacion haci, mirando e cantidad di comicionnan di investigacion, nos por haya nos rapidamente cu 200 pa 300 Hulandes na Aruba cu autoridad di CHE pa cana drenta varios departamento y nv di Gobierno pa haci investigacion.
E landspakket mes ta menciona mas di 10 area unda mester investiga, traha ley y implementa e cambionan. Esaki lo no bay ta posibel cu 3 of 4 Hulandes, pero aki nos ta papia di entre 200 pa 300 cu lo mester bini pa haci nan trabao. Un persona cu ta bin investiga dolarisacion, no por investiga eseñansa, pasobra ta areanan cu ta rekeri otro experticio.
E articulo den ley di CHE ta traha caminda pa tur e Hulandesnan aki, (mescos a pasa na Bonaire), haya entrada liber, sin restriccion y automatico. Nan por trece nan esposo/a, yiu, of nan partner.
Pues cu otro palabra, Aruba lo bira un ‘outlet’ Hulandes, unda lo manda algun KLM cu Hulandes pa bin establece aki pa asina por traha pa CHE y ehecuta e landspakket.
Un persona cu hopi experiencia a bisa: “Ban ta serio cu otro: Esaki ta implica cu tur e posicionnan di hefe den nos pais, lo bay wordo ocupa pa Hulandes Europeo den e proximo añanan. Ta pesey mes e ley di entidad ta duna Hulanda power pa bira hefe directo di tur e nv’s di utilidad na Aruba. Pues laga nos yama nan “Welcome to the New Holland” na Aruba. Esaki no ta nada nobo pa Hulanda. Wak nan historia! Unda cu nan a haya poder nan a manda nan hendenan. No wak leu, wak na Bonaire mes. E dolor ta bay ta pa nos futuro generacion, unda nos Arubianonan dificilmente lo haya oportunidad den nos pais.”
Aki nos ta pone e ley di CHE: Artikel 13 (toelating): De leden van de Caribische hervormingsentiteit en de algemeen secretaris en de medewerkers van de ambtelijke dienst die de Caribische hervormingsentiteit ondersteunt, hun echtgenoten of geregistreerde partners en minderjarige kinderen voor zover zij met hen een gemeenschappelijke huishouding voeren, zijn van rechtswege toegelaten tot de landen. Aan de leden, de algemeen secretaris en de medewerkers van de Caribische hervormingsentiteit alsmede hun echtgenoten of geregistreerde partners en minderjarige kinderen worden geen nadere voorwaarden gesteld voor de uitoefening van een beroep of het verrichten van arbeid.
