Durante ultimo dianan hopi ta esnan cu ta acudi serca e Parlamentarionan di MEP cu e pregunta “ta kico ta pasando cu e gobierno di AVPFuturo?”
Parse cu problemanan interno tin nan paralisa y esaki ta frenando desaroyo.
Tin un desconfiansa total entre nan, y esey ta algo cu nan propio conseheronan ta papia.
Nan no ta tuma decisionnan importante pa nos pais, unico cos cu nan ta haci ta persecucion politico contra esnan cu a traha cu e gobierno anterior. No tin ningun desaroyo nobo ni positivo pa e pais.
Nan mesun candidatonan ta desgaba otro, y nan mes ta bisa cu e gobierno aki lo no dura mucho mas.
“Mi ta lamenta e falta di liderasgo den nos pais, pasobra Aruba tabata conoce liderasgo fuerte den ultimo 8 añanan. Liderasgo presente den bon tempo y den hopi mal tempo. Y awor mas cu nunca e liderasgo activo mester tey, pa evita e direccion ekiboca cu nos pais ta bayendo. Unico cos cu mi por bisa esnan cu ta aserca nos, ta cu pronto lo tin cambio, y pa nan no perde fe” lider di MEP Evelyn Wever-Croes a duna di conoce.
