ORANJESTAD – Tin hopi keho riba algun banco local, cu a perde tur sorto di cordialidad pa nan clientenan.
E keho ta basa su mes riba un nivel haltisimo di seguridad, cual a bira awor un mal servicio, pesimo y desastroso.
Un cliente a informa nos, cu el’a tuma contacto cu su banco, pero prome cu e wordo atendi, banco ta hasiele como 10 pregunta.
Preguntanan cu ningun hende ta corda!
Pues e “sabionan” di seguridad awor a cuminza cu un maltrato feros y cu awor no tin di hasi mas cu seguridad, pero mal servicio.
E mal servicio aki ta hasi cu hende no por lanta nan propio placa for di banco y dor di maltrato, e cliente ta keda perhudica.
Pues, poco poco lo mester cuminza busca cual te banconan cu realmente ta amigo. Pasobra cu amigo cu ta fregabo, ta mihor bo ta cu bo enemigo.
