Dialuna merdia un biaha mas e area aki na Boca Catalina tawata scenario unda cu un turista ta fayece.
Dialuna merdia pasa di 2’or polis y dos ambulance a bay un area ya conoci pa nan. Atrobe nan ta confronta na yega un dama(67) cu no tawata reacciona.
A sigui protocol esta a cuminsa cu CPR, pero tawata envano.
Na e sitio nos a compronde for di vocero policial cu e dama(67) Mericano lo a bay snorkel hunto cu su casa.
Durante cu nan tawata den lama e señora turista a bisa su casa cu e tin problema pa hala rosea.
Mesora e casa a actua y a tene bin aden cu ne, unda cu e lo a cuminsa saca. Di eynan e la perde conocimento y ta fayece.
Dokter Texier a yega e sitio pa constata morto di e señora Mericano di 67 aña di edad cu a yega Aruba diasabra cu su casa pa vakantie.
