Sentencia na fabor Gobierno den caso di Ex-Leiding di Brandweer
Recientemente Corte a dicta un sentencia den e caso di ex-leiding di Brandweer, cual a resulta faborabel pa Land Aruba. Corte a determina cu e retironan di e ex leiding ta keda na vigor, un victoria pa gobernacion, cu a mustra cu e decisionnan tuma a sigui ley y normanan cu ta na vigor.
E ex-leiding di Brandweer enfrenta hopi acusacion serio. Entrenan, nan tabata acausa di verduistering, entrega di laptopnan di Land Aruba sin e hard drive, y benta di equiponan di gobierno sin aprobacion di DOW y sin permiso di gobierno. Ademas, e hoofd bedrijfvoering tabata pone overtime pa su mes dese desde 2017 y no tabata maneha e departamento cu e debido profesionalismo. Den total, nan tabatin 160 acusacion contra nan, incluyendo fayo den maneho di seguridad pa trabou di su trahadornan y e seguridad di pais Aruba.
Un investigacion independiente, realiza den 2015 pa un Brandmeester di Hulanda, a determina fayonan serio den e manera di opera di e departamento di Brandweer. Pa pone un ehempel, durante un inspeccion pa evalua e capasidad di Airport Rescue & Firefighting (ARFF) na Reina Beatrix International Airport den maart 2015, a sali na cla cu e aeropuerto ta clasifica como un aeropuerto di categoria 9 segun e standarnan di CIAO. Sinembargo, a resulta cu e capasidad real pa duna proteccion den caso di emergencia no tabata na e nivel desea. Solamente dos di e tres trucknan ARF tabata den servicio, y un di e trucknan principal tabata for di servicio durante e inspeccion.
Ademas, e report a indica un falta den e cantidad di aparatonan di extingishon cu ta disponibel, y cu e trucknan di struktura no tabata clasifica segun e normanan di ICAO
E acusacionnan tambe a inclui cu nan no a zorg pa e formacion adecua di trahadornan, y cu e edifisionan tabata den mal estado. Desde 2007, DOW nunca a bende un truck di Brandweer riba destaho, pero segun acusacion, e ex-leiding a bende trucknan di Brandweer, inclyendo crashtrucks, materialwagen, pomp-motor trucks, cu nan propio amigonan, sin cumpli cu e procedimentonan oficial. Esaki a crea un buraco masha grandi den e liderazgo y e middenkader di e departamento.
E resultado di e investigacion a mustra problema serio den e manera cu e departamento di Brandweer tabata opera, loke a obliga pa tuma medidanan drastico pa proteha e seguridad di nos pais.
Cu e decicion di Corte pa sostene e decisionnan di retiro, ta proba un bes mas cu ministernan encarga a tuma e paso corecto.
Ex Minister Andin Bikker y Minister Rocco Tjon a wordo ataca brutalmente na forma hopi baho. Finalmente nan a para firme pa sanea Brandweer y cu e ultimo decision aki, ex leiding ta keda den pasado y awor por habri porta pa sigui drecha brandweer.
