Magali Brito (SEPPA):
SEPPA ta liña recta contra tur loke cu Hulanda a pone riba mesa
Magali Brito di SEPPA tabata tey presente na e cumbre di gobierno hunto cu gremio sindical y comercial.
El a menciona cu SEPPA ta sostene e ponencia cu prome minister a bisa cu nos mes por. Nos tin e capacidad y muy en particular, mirando cu siman pasa a bisa cu locual cu nos tin nos dilanti, ta erornan of fayonan cu a wordo cometi desde cu nos tin nos status aparte.
Pero tambe nos mester admiti cu no tur cos no ta fout. Manera cu a wordo treci padilanti, si no tabata tin e bonnan ey, nos no tin e desaroyo di awendia.
Pesey un biaha mas lo sostene e parti ey.
Di un otro banda tin cu bisa si cu ta parce cu e tema di e normal nobo ta ganando tereno. Pakico ta bisa esaki, pa motibo cu si un momento ta papia di cu e virus aki a trece hopi cambio, el a abati nos economia, el a abati e clase trahado.
No solamente mester enfoca riba e parti medico, unda el a haci hopi daño, pero nos tin un pensamento hopi robes, ora cu nos a perde for di bista cu esaki ta temporal y esaki, cu e normal nobo ey, of loke nos kier cambia, lo mester ta te na e momento cu e virus ta presente ainda.
Pakico ta perde for di bista, ta pasobra nos ta lubida cu e reconstruccion di e pais Aruba, mester ta na e miho manera cu nos ta imagine.
No na e manera cu e ta na e momentonan aki of poni riba mesa. Segun Brito, como sindicalista, e ta liña recta contra tur locual cu ta wordo poni riba mesa di parti di Hulanda. Pakico gran parti riba e medidanan cu tabata wordo of e flexibilisacion di nos leynan laboral.
Pasobra cu esaki e ta wordo simplemente tin cu bisa den palabranan chikito cu e neo liberalismo ta coy entrada aki na Aruba, cu practicamente ta nifica nos ta papia un banda di hisa productividad, di papia di eficiencia, pa esnan cu ta combini nan, pero di otro banda ta nifica tambe pa e clase trahado, cu e ta bay gana menos, e ta bay traha su cantidad di oranan por ta menos.
E ta bay biba den insiguridad. Tur loke ta bon na otro banda, pa e trahado e ta bay bira menos y eynan e consecuencianan ta y nan ta hopi grave.
Pakico ta bisa cu ta contra di dje? Pasobra tin cu reconoce mescos cu pais Aruba a wordo reconstrui den bon y den malo y tin adelantonan y tin cu reconoce, cu e clase trahado ta para caminda cu e ta.
Danki na e luchanan grandi di e lidernan cu tabata prome cu nos y cu tabata e vision y lucha pa sigui padilanti pa e trahadonan tin awendia.
Na e mesun momento tin cu bisa e pakico tambe ta contra di tur local cu tin awo den e conicionnan, pa motibo como e lucha sindical pa e trahado tin un dia di trabao di 8 ora, pa e tin siguridad social, pa e tin stabilidad den mundo laboral.
Tur esaki a na peliger na e momentonan aki. Si nos no lanta pe, e ta bay riba un situacion hopi desastroso pa e clase trahado.
No por keda sin relaciona e desaroyo di e impacto di e neo liberalismo na Aruba, cu e causa y efectonan cu e lo trece pa e pobresa di un pais.
Pakico ta bisa pobresa?
Pobresa ta tene man cu e clase trahado. E trahado ey cu ta bay traha, no tin suficiente entrada, e no tin suficiente cantidad di ora di trabao. E no lo tin placa pa pone pan riba pa su famia y hogar.
Esey ta bay bira e consecuencia. Kiermen ta facil papia di diferente cos awendia. Ta un lastima cu e orario atrobe, algun minuut.
Pasobra e efecto cu tin riba mesa ta hopi grandi y ta bale la pena un discusion hopi amplio ,hopi profundo y pesey SEPPA ta sostene cu mester para cu tur locual cu tin riba na e momentonan aki y gana tempo den tal manera cu nos ta analis’e y bay wa si berdaderamente nos por biba cu locual cu tin.
Por ultimo, e palabra integridad, cu nan kier yama CHE. Esey ta e mensahe cu nos tin cu bisa, na locual ta wordo imponi awor aki, sigur riba e clase trahado na pais Aruba. Che, vies. Si e nomber mester keda, pa semper esnan cu a impone esakinan, keda corda con contra tur etica, nan a trata pais Aruba na e memento aki.
Y si esey no por compronde, e ta bay bek na locual cu e intension cu nan tin aki. Poco tempo ey, director di SVB a menciona cu Covid-19 a mustra e berdadero cara di hopi dunado di trabao. .
E cara malo, mahos cu hopi dunado di trabao tin eyfo, door di e manera con nan a trata trahadonan na Aruba.
A duna diferente ehempel. Segun Bito, pakico e palabra CHE mester keda, y no mester tene berguensa di dje y ta orguyoso di nos idioma.
Na mesun momento aki cu e Hulandesna eynan ta pretende di ta duna muestra cu nan tin dolor pa e pobresa, pa e armoede cu ta bibando bao di pais Aruba, na e mesun momento ta pobrechando y sa di e debilidad cu pais Aruba ta aden.
