Diahuebs merdia e Minister encarga cu asuntonan di desperdicio y tambe cu Serlimar a informa cu den e proceso di re organisa Serlimar, e compania a yega na un acuerdo y areglo cu Belastingkantoor pa por paga 13 miyon cu tin na debe.
Manera ta conoci pa un temporada basta largo, Serlimar no tabata entrega placa di belasting di empleadonan na belasting. Esaki a keda subi, subi y a acumula 13 miyon florin. Esaki tambe ta un debe cu ta pisa hopi riba Serlimar y cual tambe ta dilanti corte awor unda a pidi surceance van betaling.
Cu e areglo nobo aki cu belasting kantoor, esaki lo forma parti pa asina convence huez cu Serlimar lo por sigui draai. E sentencia di huez lo mester cay den 2023.