E entrenador di Sevilla, Julen Lopetegui, no tin premira duna un descanso na ningun hungado pa e partido di diaranson den Champions League contra Chelsea, pa mas cu su ekipo ya a clasifica pa e fase eliminatorio y tin pendiente un partido di liga contra Real Madrid e proximo fin di siman.
Aunke e dos ekiponan ta empata na 10 punto den e clasificacion y tin garantisa e pase na e siguiente buelta, e ganado di e partido di diaranson den e stadion Sanchez Pizjuan lo sigura e prome luga di e Grupo E y lo ta cabes di e serie di e sorteo di octavonan di final.
Lopetegui a bisa cu ainda e ta spera di por conta cu e delanteronan Luuk de Jong y Lucas Ocampos, cu no a train diamars, mientras cu lo keda sin e keeper titular Bono y e delantero Carlos Fernandez debi cu nan a sali positivo pa COVID-19, ademas di e cenrocampistanan lesiona Marcos Acuña y Suso.
Despues di enfrenta Chelsea, Sevilla lo ricibi diasabra Madrid, e vigente campeon di e Liga. “Mañan nos lo tin otro entrenamento mainta y nos lo wak si nos ta capas di drenta den e convocatorio un paar di hungado (De Jong y Ocampos) cu awe no tabata por a train.
Fuera di esey, nos no a recupera ningun hende, loke mi kier ta pa no perde ningun hende,” Lopetegui a bisa den un conferencia di prensa diamars.
“Bringa e prome plaza ta un retomayusculo, mas ainda pa ta dilanti un ekipo diseña pa gana Champions.
P’ami, e miho ekipo ofensivamente di Premier. E ta genera nos hopi ilusion enfrenta na nan pa hunga e prome plaza di e grupo.”
Tras di uncomienso duro di e temporada light, e ekipo di Lopetegui ta acumula un racha di cinco victoria consecutivo den tur e competencianan.
Chelsea ta permanece invicto desde september y ta hiba un racha di seis victoria consecutivo te cu e empate sin gol di diadomingo na cas cu e lider di e Premier League, Tottenham Hotspur.
“Mi ta spera un rival intenso, hopi agresivo. Y nos mester ta dispuesto pa supera tur e dificultadnan futbolistico cu un rival lo bay pone di nivel deportivo y colectivo di Chelsea,” e DT a añadi.
